Boicot a Carod-Rovira pola súa postura pro-israelí
BDS-Galiza realizará unha protesta diante do Centro Social A Esmorga de Ourense.
Por Galicia Confidencial | Ourense | 15/03/2012 | Actualizada ás 17:24
O ex líder de ERC estará na cidade das Burgas este xoves para falar sobre o proceso de construcción nacional de Catalunya. Sen embargo, o colectivo BDS-Galiza acudirá alí non para escoitalo, senon para amosar o seu rexeitamento ás posturas “pro-israelís” do dirixente independentista.
“BDS-Galiza desenvolve no nosso país a campanha global de Boicote, Desinvestimentos e Sançons a Israel e, como parte substancial do seu lavor, promove o boicote às actividades culturais em que participam persoas que defendem publicamente a ocupaçom de Palestina, justificam a violência que o estado sionista exerce contra o seu povo e se oponhem a qualquer iniciativa solidária que vise pôr fim ao processo de limpeza étnica iniciado polo exército sionista em 1948”, apunta este grupo.
Por eso, denuncian a postura de Carod-Rovira ao que acusan de “conspícuo valedor das políticas racistas de Israel” e solicitaron ao colectivo A Esmorga que cancelara o convite a este dirixente. Ao non producirse acudirán ao acto para amosar in situ ao seu rexeitamento o dirixente catalanista.
