O PPdeG cualifica de "cínico" ao BNG por criticar a existencia das deputacións e logo gobernar nelas

Miguel Tellado acusa a Gonzalo Caballero de "aterrar" como "paracaidista" na Cámara galega para "coller vacacións".

Por E.P. | SANTIAGO DE COMPOSTELA | 19/07/2019 | Actualizada ás 14:17

Comparte esta noticia

O secretario xeral do PP de Galicia, Miguel Tellado, aludiu ao papel do BNG na constitución dos gobernos das deputacións e tacha a súa actuación de "hipócrita". En concreto, fixo referencia ao goberno de coalición entre o Bloque e o PSOE na provincia de Lugo.

Miguel Tellado en rolda de prensa. PP GALICIA
Miguel Tellado en rolda de prensa. PP GALICIA | Fonte: Europa Press

Segundo os populares, "unha vez máis o BNG mostrou a súa hipocrisía e cinismo" ao entrar en gobernos de deputacións, despois de manifestar que son órganos "inútiles, anacrónicos e que deberían desaparecer".

A xuízo de Tellado, a cidadanía galega "non merece ser gobernada por persoas que non cren nas institucións". Neste sentido, o PP de Galicia cre que igual que "Vox non debe estar nos pactos de goberno das autonomías", o Bloque e Cidadáns "non deben formar parte das deputacións", ao ser partidos a favor de eliminalas.

CRÍTICAS A CABALLERO

Por outra banda, cualificou de "brusca aterraxe" a chegada do líder do PSdeG, Gonzalo Caballero, ao Parlamento de Galicia no momento de "irse de vacacións" e tachouno de "paracaidista".

Nunha rolda de prensa ofrecida este venres en Santiago, o número dous do PP galego tachou de "irrupción desafortunada" a acreditación de Caballero como deputado nos meses de verán despois de que esperase "dous anos" para acceder ao Lexislativo galego desde que foi elixido secretario xeral do PSdeG.

Ademais, Tellado afeoulle as súas primeiras declaracións na Cámara tras acreditarse como novo parlamentario. En concreto, preguntado pola decisión de Feijóo de conceder as medallas de Galicia aos expresidentes de Castela e León, Juan Vicente Herrera (PP), de Asturias, Javier Fernández (PSOE), Gonzalo Caballero asegurou que tanto o presidente da Xunta, como Fernández e Herrera mostraban "o pasado" desas tres rexións.

Así, Miguel Tellado puxo en cuestión que Caballero se atreva a "menosprezar" a outro socialista e sinalou que "oxalá os socialistas galegos traballasen" pola cidadanía galega "como o fixeron os asturianos" polos seus.

"HUMILDADE" ANTE A "SOBERBIA"

Ademais, os populares recomendan ao secretario xeral do PSdeG que sexa "humilde" nun de "os seus primeiros cargos con representación política", á vez que opinan que Caballero é "demasiado soberbio para vir coa mochila tan baleira".

Polo mesmo motivo, Tellado pediu que o líder socialista galego "garde respecto" a persoas como Feijóo, que "leva dedicando toda a súa vida a traballar polos cidadáns", e á Cámara en xeral, xa que "os galegos esixen que se respecten as institucións".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 6 comentarios

5 Mugueimes

As contradições do BNG são tão enormes que até o PP o coloca em evidência! É bem patético que seja o PP nojento e não a sociedade civil galega quem berre: Galiza não se vende! O do BNG não tém perdão, entregam os interesses do país a qualquer preço para vivir da política profissional uma elite de escolhidos!

4 Un galego

Tampouco o Pp cre na autonomía e goberna na Xunta. Tampouco os partidos cataláns cren nestas misérrimas autonomías e gobernaron na Generalitat para poder avanzar e ben que o conseguiron. O Pp (Alianza Popular no seu momento) tampouco estivo a favor de votar por esta Constitución e babean por gobernar o estado. E estes ilusos que se deixan levar por eles opinan logo que hai que deixar gobernar o Pp porque cre nas deputacións??? Así en lugar dun Baltar temos catro até a eternidade. Aos meus anos que xa son ben deles comezo a entender por que lles vai ben a vascos e cataláns e como nos vai a nós. Triste vivir rodeado de estulticia...

3 Fran Correa

Miguelito malTellado sabe do que fala. Pois el mesmo saiu do negocio do BNG en Ferrolterra. E coñece, e tanto, como o sistema clientelar do Partido Podre se replica no PsoE e no BNG. Entón, está no certo, o cinismo do BNG é de tamaño espantoso. Os do Partido Podre non enganan a ninguén, os que lles votan esperan cazo e privilexios, aceitan a desigualdade como algo a conservar, e negan a transparencia. No BNG hai moito trepa interesado e algún inocente que cando desperta fica queimado (e imos en aumento).

1 Anonimo

Totalmente dacordo coa última parte do teu comentario. Cada vez somos máis

2 urco

E? O PP leva 40 anos "governando" no país, 80 contando a sua matriz franquista, e nom crem nel. Abofé que a hipocrisia e o cinismo som conceitos que dominam.

1 Galiza Si se Vendeu

Vaia teima que tedes... non se che parece mentras existan hai que deixar que as goberne o PP si ho