A Galicia do futuro

Nos tempos que vivimos e coa recesión económica derivada da crise mundial; recesión que ten características propias no Estado e na nosa terra, moitos somos ós que nos preocupa como será a Galiza do futuro.

Por Manuel H. Iglesias | Ourense | 25/03/2012

  • versión para imprimir

 Como será a terra que lle deixemos en  herdanza aos nosos fillos e netos. Como estará gobernada e se perderá a súa persoalidade propia e a súa cultura.  Vivimos tempos de incertidume e inquedanza;  vivimos tempos difíciles pois os  problemas que temos  seguen sen ter unha resposta  clara   que lle dean solución a curto e medio prazo. Vivimos nunha sociedade envellecida  que pasou de estar sustentada polos sectores primarios a ser, básicamente unha sociedade que vive dos servizos e na que hai unha cativa industrialización con raíces na terra.  

Polo tanto na nosa  sociedade,  paseniñamente, desaparece o rural e os  sectores industriais que a caracterizaron anos atrás están en franco retroceso. Referírome ao sector industrial que ten un bo exponente na industria naval. Igualmente ao sector pesqueiro, etc. E no seu conxunto é  Galicia a que morre caladamente.

Nesta terra o nacionalismo do século XX fixo unha grande e importante labor. Colocou a Galiza na política do Estado e rematou coa Galiza chorona que non reivindicaba e que en moitos casos era motivo de mofa. Pero ese nacionalismo positivo nos seus inicios,  debido  a cerrazón ideolóxica  e a non  ser capaz de ler a realidade desta terra partindo das necesidades e carácteríscas dos galegos; debido a negarse a evolucionar,  non foi capaz de implicar á gran maioría dos habitantes nun proxecto ilusionante para dar un salto e levarnos cara un progreso tan necesario.
 
Con esta xustificación o PNG-PG celebrou un congreso no que o 77% dos seus militantes decidirón  deixar a formación frentista do BNG. Logo acordaron que,  para falar e traballar pola  Galiza do futuro, é necesario formar unha forza política  que sexa quen de unir  a todos os  galegos  que amen  a terra e  aspiren a modernizala  e gobernala.   
 
Este obxectivo faise sen condicións previas nin exclusións a priori de ninguén. Pois todos os que estamos dacordo na meta de facer a Galiza dona dos seus destinos, temos que ser xenerosos para chegar ao entendemento.   Temos que ceder parte da nosa razón, pois os problemas non admiten demoras inxustificadas. Dado que, cos  tempos que corren, non podemos camiñar ideoloxicamente fronte a ninguén; pero tampouco deixarnos levar polos cantos de serea dos adversarios conservadores, hoxe gobernantes,  que soio ven na política galega  o trampolín  para acadar un posto en Madrid,  sin importarlle os graves problemas que teñen as persoas que habitan neste noroeste peninsular.
 
Hoxe, cando os nosos mozos emigran por carecer de futuro; cando o noso agro morre; cando  o noso rural é pasto do lume polo abandono e o desleixo; cando os asteleiros pechan por carecer de bolsa de pedidos ou, cando camiñamos cara ser unha poboación plenamente subsidiada, non cabe o silencio nin a resignación. Hoxe, cando o mensoprecio polos políticos está á vista, é cando hai mostrar a ética por defender o común, por resolver os problemas xerais da xente; Hoxe  é cando hai que amosar integridade e compromiso coa terra.
 
A Galiza do futuro non pode ser un país que espere a solución dos problemas da man  dun nacionalismo ensimismado e que pon por modelo un radicalismo esteril de ditaduras de   países que nada representan no mundo e que viven peor que nós; Tampouco pode ser a terra que espere das forzas políticas centralistas a solución dos seus anacrónicos problemas. Polo que, a Galiza do futuro,  terá que dotarse dunha gran forza política que teña como base ideolóxica  e a razón da súa existencia no galeguismo, no nacionalismo e no progreso social para camiñar cara o futuro con ilusión e esperanza dentro dunha España diversa  plural e descentralizada.

Manuel H. Iglesias




Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

12 comentarios
7

milhocorvo

Sres. do PNG, +Galiza, BNG, Converxentos do 21 e Diverxentes dos Irmandiños , calaña do PP, arribistas e trepas do PSOE, demagogos e saltimabanquis da EU , repulsivos de UPD e demáis experimentos vangardistas que tentan levar o temón da democracia e xurdidos para gobernar e vivir do povo , deixádenos en paz , ide trabalhar ao mar ao monte ou as leiras ou ao que sepades facer , si é que sabedes facer algo de proveito para o común da xente que no sexa chucharnos o sangue na compaña dos empresarios e os banqueiros. Deixádenos vivir, lonxe das vósas leis, acordos, contratos e decretos. En Asturias só os fixeron caso a metade do censo, a pouco, só os lexitimaredes para representarnos cun 10%. Ide cascala.


6

milhocorvo

Sres. do PNG, +Galiza, BNG, Converxentos do 21 e Diverxentes dos Irmandiños , calaña do PP, arribistas e trepas do PSOE, demagogos e saltimabanquis da EU , repulsivos de UPD e demáis experimentos vangardistas que tentar levar o timón da democracia e xurdidos para gobernar e vivir do povo , deixádenos en paz , ide trabalhar ao mar ao monte ou as leiras ou ao que sepades facer , si é que sabedes facer algo de proveito para o común da xente que no sexa chucharllanos o sangue na compaña dos empresarios e os banqueiros. Deixádenos vivir, lonxe das vósas leis, acordos, contratos e decretos. En Asturias só os fixeron caso a metade do censo, a pouco, só os lexitimaredes para representarnos cun 10%. Ide cascala.


5

Danilo

Ten cuidado si te llevas al Cuiña. Ya sabes a lo que va.


4

Antón

Se asumes o discurso da dereita españolista, e proclamas que a actual plutocracia postfranquista é unha democracia, para logo soltar que quén mais xenuinamente encarnou o nacionalismo defensor do noso, son radicais estéris e amigos de ditaduras que non representan según ti nada no mundo (frase que che retrata) entra dentro do normal ca maioría do pobo, vote continuismo.

1 resposta
1

Por Antón: Decía Castelao que non existen países pequenos, dí que hai países e seres humanos de almas cativas. Según ti, vivimos no millor dos mundos posibles, pero que faise necesario cambialo. Dende cando foi unha prioridade pras burguesías, a cultura e a defensa do tecido nacional? se son os impulsores da actual globalización. Éles gostan de masas incultas e alienadas, decidiron que temos que ser competitivos, tan competitivos coma os países do 3º mundo,e eso faise a base de precariedade, e suficiente baixa autoestima pra que aceptes o que che ofrezan.


3

Artus

Ou sexa. que temos que ceder mais? O problema polo que se desprende de Herminio, é que somos moi radicais. Pois eu coido que un dos causantes do actual estado das cousas, de que o pobo non se identifique cos postulados que defenden esquerda e nacionalismo, son os Herminios, os Xan das Bolas, que teñen que guialo pobo. Culpables por asumir todalas teses da dereita e a burguesia españolista, como certas. De pensar que con conciliacións e masedumes se pode chegar a algo. De acadar un posato i esquecerse da loita, para esperar co devir dos tempos mudaran as cousas. Poño un exemplo: no imaxinario colectivo existe unha convición asumidas polas esquerdas, de que as dereitas son mais aforradoas e menos gastadoras que as esquerdas. Gran mentira, as dereitas saen moito mais custosas, porque a sua prioridade é saciar a unhas burguesías insaciables.

3 respostas
1

Por xan soares: O de Xan das Bolas, non sei se vai por min pero en todo caso aclararei que eu non estou en contra de que exista un partido de esquerda nacionalista en Galicia e se queres un partido independentista radical. Estou a favor de que exista todo o espectro de partidos galeguistas. Saúdos.

2

Por Artús: Non,vai por ti Xan, que non teño o gosto. Está polos sumisos, polos que aceptan a situación como inevitable, como realista, no beneficio de quén a fai. Cando a realidade é que é o menos realista posible, e feita así a posta. Como se pode suscitar o interes da maioría do pobo por un proxecto (neste caso a defensa de todo o noso, nosa cultura i economía), cunha mensaxe tan derrotista? tan catastrofista? O pobo quere, necesita que o ilusionen.

3

Por Artús: A critica constructiva sempre e boa. Pero as veces nos confundimos de inimigo. Non se pode ser tan derrotistas con quén asoballa a nosa Terra, para logo ser tan esixentes cos que se implican na defensa da Terra dende outras posicións.


2

xan soares

pois efectivamente, é o momento de organizar unha gran alternativa de centro nacionalista. Converxencia XXI xa está niso, moito ánimo.


1

xan do can

E o mellor artigo de cantos fixeche niste xornal.

1 resposta
1

Por M.H.: moitas grazas.


Manuel Herminio Iglesias

Natural de Seixalbo, concello de Ourense 1949. Diplomado en Maxisterio (Ciencia Humanas) e Música. Comprometido coa labor social, cultural e política, fundou diversas asociacións. Foi, dende xuño do 2009 ate xuño de 2011 concelleiro de Infraestruturas, Mobilidade e Perímetro Rural no concello de Ourense. Preside dende o ano 1997 a Asociación Cultural Agromadas. www seixalbo.com

Galicia Confidencial 2013 | Contacto | RSS | Legal | O Proxecto | Sustentabilidade | Preguntas | Achegas | Publicidade | Autopromo | BLOG | Co apoio técnico de dinahosting

CC