Forte seguemento nas primeiras horas da folga

Na prensa os traballadores logran que non saian nin Faro nin a edición galega de El País, segundo os sindicatos. Datos sobre o seguimento nas cidades no interior.

Por Galicia Confidencial | | 29/03/2012

  • menéame
  • Chuzar
  • Do Melhor
  • Cabozo
  • del.icio.us

No sector da prensa existía a posibilidade de secundar o paro o mércores. Nalgunhas empresas importantes, como en Faro de Vigo, secundouse onte, cun seguimento maior que noutras ocasións. Con todo, o xornal olívico logrou completar unha edición única. Está por ver se é quen agora de distribuíla, pois a rotativa do faro foi unha das paralizadas no paro do ano pasado. Noutro xornal, La Voz de Galicia, os traballadores decidiron facer folga o xoves.

"Mañá non se publicarán nin Faro de Vigo (100% de paro) nin a edición galega de El País" adianta a CIG.

Por outra banda, arestora confírmase o paro total na recollida de lixo en Vigo, Pontevedra, A Coruña, Ourense e Lugo.

Industria

Outro sector clave para avaliar o éxito das primeiras horas dunha folga xeral é a industria. No naval de Vigo hai "100% de seguimento en Navantia Ferrol, Navantia Fene, e en Rodman Polyships", segundo Comisións Obreiras. En Vigo rexístrase, de acordo á CIG, a "paralización total da actividade portuaria". Na comarca da Coruña, o seguimento tamén é total en Zara loxística, de acordo á versión dos proletarios. Na capital herculina o seguimento tamén é total na empresa de xardíns CESPA. En Santiago no polígono do Tambre xa parou Castrosúa. Na capital de Galicia os piquetes informativos comezaron a súa ronda polos comercios do centro. A Policía protexe arestora o establecemento Opencor.

Polémica en Santiago

Haberá manifestacións na práctica totalidade de cidades e vilas do país. Os horarios das protestas poden consultarse aquí.

Unha das manifestacións de Santiago nace con polémica. O Concello negou á CIG o permiso para usar a toma de luz nas Praterías, polo que non se poderá usar en principio a megafonía. O sindicato nacionalista denuncia "a actitude antidemocrática, antisindical e contraria a dereito" do alcalde conservador Xerardo Conde Roa.

Transportes afectados

A nivel de transportes, os servizos públicos xa anunciaron moitas cancelacións. Nos aeroportos do país hai case 20 voos que non saíran na Coruña, dez en Compostela e 28 en Vigo. Suman un total de 58 conexións inactivas. 

Nos trens rexionais o seguimento será total. Unicamente funcionarán unhas poucas conexións do Feve dende Ferrol. Os servizos mínimos determinados pola Administración garanten conexións de autobuses entre case todas as cidades galegas, pero con menos frecuencia do habitual.

Os últimos datos da folga pódense seguir en directo na caixa de 'twitts' na portada do GC.

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

35 comentarios
  • Páxinas
  • 1
  • 2
  • 3
  • 14

    capón

    en vilalba todo aberto, algún piquete polas calles, pero os comercios abertos con normaildade fracaso total

    2 respostas
    1

    Por unha aldea chamada milagre: pois si que é Vilalba un referente comercial ou industrial coma pra ser mostra do éxito da folga

    2

    Por Bruar: Capón aberto de Vilalba, o normal, vamos. Éxito total, ou sexa o normal. A tradición esquerdista é coñecida e estudiada a nivel de xogadores de tute de bar.


    13

    Larchán

    Meu deus! acabo de vitar La Voz e o manolo xa tiña deixado unha chea de comentarios, todos na mesma liña que aquí e todos feitos na mesma maña en que según el, non deixa de traballar. Ese home é incombustible.

    2 respostas
    1

    Por Manolo2: Nunca escribo en La Voz, pero celebro haber creado escuela. Gracias por reconocerlo.

    2

    Por Larchán: nada mais contaxioso que o papanatismo.


    12

    Antón

    Agora precisamente veñen os desencantados do naval, cunha loga bateria derrotista de comentarios, cando non emitiron ningún nos diversos artigos sobre a crise do naval que publicou GC. Qué argalleiros son algúns cando tentan manipular.

    1 resposta
    1

    Por Gregorio: Non Antón non....!, non son os desencantados, as cousas polo seu nome....... has dicir, os vendidos por CCOO UGT, ese e o termo apropiado, e terá de repetirse cantas veces seña preciso, cadre que non cunha xornada de folga. No esquezas que a verdade tan so ten versión orixinal


    11

    Doutorando

    Que hai folga está claro, pero que sexa xeral non. No meou traballo, como dixen antes, estamos ao 90% da plantilla, acabo de sacar cartos do banco e pedín un café nun bar sen problemas.

    2 respostas
    1

    Por Larchán: Disimula un pouco que se che nota moito. Ao millor se emites mais comentarios do 90% consegues que o actual éxito da folga se trasforme en fracaso.

    2

    Por Doutorando: Só escribín dúas veces, Larchán, e para dicir o que vexo, non o que quero ver. E non dixen que fora un fracaso...


    10

    Begonte 29

    En Lugo, temos un bo sector naval, por certo, agora está en máxima produción, pero do outro naval, do dos barcos dese non temos. Digo eu, se o que veño lendo dos que me anteceden é así de certo, entón esta tropa son os directos responsables do desmantelamento do sector, pero sendo así , o que non me encaixa é como seguen mantendo a súa primacía sindical?..Agora vai resultar que cada pobo ten o que se merece e ao parecer Ferrol está dun merecido subido.


  • Páxinas
  • 1
  • 2
  • 3
  • multiple image
     
    quen somos button
    introgcplus button