Tempo de perdón e blanqueo

A Semana Santa é un tempo de penitencia, de reflexión sobre a paixón de Cristo e de perdón. Joan Manuel Serrat, nunha das súas fermosas cancións con versos de Machado dicía referíndose ao pobo: “que todas la primaveras anda buscando escaleras para subir a la cruz…” eu entendo que todas las primaveras anda a pedir perdón.

Por Manuel H. Iglesias | Ourense | 06/04/2012

  • menéame
  • Chuzar
  • Do Melhor
  • Cabozo
  • del.icio.us

Por tal motivo, Mariano Rajoy, sabedor que estamos no tempo da reconciliación, como lle chaman os cregos, lanza a pintoresaca e inxusta idea de propoñer un perdón fiscal  para todos os defraudadores, especuladores, mafiosos de negocios pouco claros, que estiveron roubando ao fisco, e darlle a posibilidade de que legalizen ou blanqueen  os cartos en negro que teñen agochados, como dicía o Sr. Oubiña, na vija.

 
O pobo, a maioría dos asalariados,  os que xa estamos controlados polo fisco e non temos máis ca nómina, seguiremos  rezando para que os recortes económicos  non nos machaquen; para que non nos suban máis os impostos e os ben básicos;  para que os servizos públicos non se esnaquicen, para que chova e se apaguen os lunes  que devoran os nosos montes e as nosas fragas e, tamén,  para que medren os froitos das hortas, pois todo fará falla neste tempo de crise. Namentres o noso goberno, renuciando a perseguir o fraude fiscal, anda chiscándolle o ollo aos pillos, aos defraudadores, a todos os  que teñen negocios pouco claros para que, aproveiten o tempo da Cuaresma e do  perdón cristiano e, así dunha maneira sinxela laven os cartos de negocios escuros e   axuden algo ao fisco.
Menudo fiasco pensar que, os que teñen os cartos agochados  en paraísos fiscais ou en contas en Suiza, van a vir para ser solidarios coa facenda pública e cos necesitados. Hai que ser incautos. O gobernó dos vascos xa dixo que deso nada.
 
E digo eu ¿é legal tomar tal medida? Cada día que pasa  entendo menos a esta dereita que nos goberna. Cada día descubro máis contrariedades co que hai anos dicían dende a oposición e agora fan  dende o poder. Claro, sempre culpando aos anteriores. A culpa sempre é do outro. Miña non.
 
Estamos en Semana Santa; estamos en tempo de perdón, por iso o Sr. Montoro e compañía falan de darlle a oportunidade de santificarse a toda esta ristra de estafadores. Son os de guante branco. Non uns calquera. Cantas contrariedades hai na vida. Xa mo dicía o meu Parente Paulino: os que teñen os cartos son os que mandan, e o demais éche leria rapaz.
 
Disfrutemos da mellor forma do tempo que nos tocou vivir e non pensemos moito nestes asuntos. Pois si o reflexionas  fríamente e  percibes  a gravedade  e o significado dos  agravios comparativos, ves  nidiamente a  inxustiza das amnistías fiscais e danche gañas de borrarte deste país de patriotas interesados,  gobernado polos  que se lles enche a boca de falar de España,  e axudan, poñéndolle a moqueta,  aos defraudadores para que non manchen os zapatos. 
 
Estamos en Semana Santa, estamos en tempo de perdón e blanqueo; estamos en tempo  de penitencia e de perdón para os cristiáns, e como somos tan bos, perdoamos  todo incluso sin penitencia. E permitimos que se nos estafe e que se nos engane. Serrat cantaba: “que anda buscando escleras para subir a la cruz”. Agora os de abaixo, xa non buscamos esqueiras para subir á cruz. Non. A cruz témola riba de nós co nome de crise económica; co nome de paro e  témola que levar nas costas sopotando leis inxustas como a laboral, aumento de impostos e amnistías fiscais para defraudadores sin arrepentimento. En  fin, andamos  aguzando o inxenio para fuxir dunha situación económica que nos agobia e de medidas e propostas que castigan aos máis débiles pois, os poderosos, sempre teñen quen os axude. E se non que llo pregunten ao goberno actual.

Manuel H. Iglesias




Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

6 comentarios
3

Pregunta

E o fillo de Cuíña que opina? Non é militante dese partido que tomou esa medida?


2

Gamela

Cicais se fósemos como debiamos ser (cidadáns) non teríamos tanto tempo para as lerias de salón e xa estaríamos a organizarnos coma Sociedade Civil a prol da Desobediencia Civil! Supoño que ao Tribunal Europeo gustaríalles ter coñecemento destas AMNISTÍAS á carta... e mentres a Deus rogando e co mazo dando: poderíamos reclarmarlle a Montoro as devolucións correspondentes ao exercicio fiscal 2011 (todo o que temos que facer é RESISTIR e ORZANIZARNOS á marxe dos partidos políticos que miran cara aos seus intereses, coma sempre!) Polo menos deixaríamos de ser "colaboracionistas"! http://galiciaconfidencial.com/nova...


1

Antón

Seguimos cos canticos populistas que non levan a ningures. Saúdades de canto de cisne ó estado de benestar que nunca mais voltará. O inxusto é o sistema, non velo así e percurar alternativas a este sistema esgotado, só afonda na demagoxia. A amnistia fiscal prós defraudadores oligarcas, antes foi proposta polo SOE. Nun mundo globalizado, dentro da zoa euro, o que non che da capacidade de intervención sobre a moeda, nun mundo de paradisos fiscais por doquier, non tes moita marxe de maniobra. A medida vai mais contra a fuga de capitais, ante unha próxima intervención da nosa economía, que nunha captación do diñeiro negro. Hai que lembrar cos magnates gregos teñen tan só na banca suiza 400.000 millóns de euros, suficientes pra pagar varias veces a debeda grega.

3 respostas
1

Por Gamela: Non sei se os gregos teñen ese diñeiro na Suiza, pero o que sí sei é que o lobby do ladrillo aínda non "perdeu o seu capital" e pola súa culpa estamos a "rescatar bancos" cando deberamos estar a facer expropiacións forzosas das súas propiedades devaluadas! Se o Goberno PP quere poñer o contador a cero... por qué non comeza valorando as propiedades no seu xusto prezo de mercado? (xa que aman tanto o libre mercado, ben podían comezar por eles mesmos... e non facer xusto o contrario: amnistías fiscais para o diñeiro negro que se moveu en España durante os anos de "bonanza económica" (case mellor deixalo en Bonanza e a súa Ponderosa particular). O sistema somos TODOS, e senon facemos algo CONCRETO seguiremos pagando as facturas durante moitos anos máis! Saúdos.

2

Por Antón: Gamela, se o goberno racha as reglas dos mercados, e pon precos fixos, eso sería socialismo, non capitalismo. As expropiacións forzosas, dentro do actual sistema, provocaría a desvandada e fuga de capitais. Pra facer as debidas expropiacións de sectores extratexicos, terías que avanzar cara outro marco diferente do actual, empezando por abandoar o euro.

3

Por Antón: Gamela, se o goberno racha as reglas dos mercados, e pon precos fixos, eso sería socialismo, non capitalismo. As expropiacións forzosas, dentro do actual sistema, provocaría a desvandada e fuga de capitais. Pra facer as debidas expropiacións de sectores extratexicos, terías que avanzar cara outro marco diferente do actual, empezando por abandoar o euro.


Manuel Herminio Iglesias

Natural de Seixalbo, concello de Ourense 1949. Diplomado en Maxisterio (Ciencia Humanas) e Música. Comprometido coa labor social, cultural e política, fundou diversas asociacións. Foi, dende xuño do 2009 ate xuño de 2011 concelleiro de Infraestruturas, Mobilidade e Perímetro Rural no concello de Ourense. Preside dende o ano 1997 a Asociación Cultural Agromadas. www seixalbo.com