Presentación de Vento galerno e Vaia tropa! escritos por dous ferroláns

Na Feira do Libro de Ferrol presentouse o libro-xogo de poemas de Antón Cortizas “Vaia tropa” (ilustrado por Mª Reyes Guijarro) e a novela de Antonio Yáñez Casal “Vento galerno”.

Por nonsei | GC ABERTO | 23/04/2012

  • menéame
  • Chuzar
  • Do Melhor
  • Cabozo
  • del.icio.us

A presentación o día 20 correu a cargo do editor Manuel Bragado (Xerais) e dos dous escritores, Antonio e Antón, na que cada un fixo unha sinopse moi acaida do libro do seu compañeiro de mesa.

O acto resultou, ademais de entretido, impecable a nivel cultural e foi moi interesante para fomentar a lectura destes textos, dirixidos a todos os públicos, e o gusto pola actividade creativa.

Parabéns a Xerais pola súa edición e aos autores.

 

 

Sinopses da editorial Xerais:

Vaia tropa!

Antón Cortizas (Autor), Mª Reyes Guijarro (Ilustradora).

Colección: INFANTIL E XUVENIL. MERLÍN

 

Vaia tropa! é un libro de poesía do absurdo, do sen sentido, e está pensado para ser lido de formas diversas. Hai poemas que terás que ler de esguello e noutros precisas usar un espello e así poder ler do verso o reflexo. Como non era cousa de poñer só letras alguén debuxou algunhas caretas. E como os debuxos están contrafeitos usarás o espello para velos con xeito. Ao final do libro convidámoste a que inventes algún compañeiro para toda esta xente. Trátase, xa que logo, dun libro xogo, no que a sorpresa da lectura e das ilustracións conforman un conxunto que non pasará desapercibido ao lector.

Vento galerno

Antonio Yáñez Casal.

Colección: INFANTIL E XUVENIL. FÓRA DE XOGO

O vento e a corrente levaron mar adentro a chalana na que Miro quedou durmido. Cando espertou, o mozo comprendeu a súa situación de náufrago desorientado que, mentres agardaba ser rescatado, notaba o estómago máis e máis encollido. Tras dous días e as súas longas noites loitando contra a sede, cando preparaba a súa cana para unha nova lanzada, algo lle chamou a atención no horizonte. Aló, na parte máis baixa do ceo, confundíndose coas nubes, pareceulle ver terra. Aquilo fixo que Miro anovase a confianza no futuro.

 

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe



multiple image
 
quen somos button
introgcplus button