Galicia capital Madrid

Hai unhas semanas, César Molinas, colaborador de El País, publicaba o artigo España capital Madrid no cal analizaba o que el chamaba capitalismo castizo. Hoxe volvo ler a mesma expresión noutro medio o que me fai pensar que o concepto vai callando. En Galicia coñecémolo ben.

Por Marcelino Fdez. Mallo | A Coruña | 25/04/2012

  • menéame
  • Chuzar
  • Do Melhor
  • Cabozo
  • del.icio.us
O capitalismo castizo procede daqueles tempos onde Madrid pouco máis era cá residencia dos monarcas españois. A vila visitábase normalmente cun exclusivo propósito: conseguir o favor real. Non sendo herdeiro de fortuna, este resultaba o único xeito de prosperar. Malia o simple da ecuación, ou quizais por esa mesma razón, a fórmula durou ata hoxe. Así observamos que as infraestruturas viarias seguen obedecendo o vello sistema radial segundo o cal tódolos camiños (tamén os de ferro) converxen na capital. Resignámonos a que os grandes negocios, que atinxen ás telecomunicacións, á enerxía ou á construción civil, sexan xestionados no BOE (seguramente, os bosquexos revisáranse no palco do Santiago Bernabeu). E habemos admitir que as sedes dos proxectos principais se coloquen nas diversas millas douradas madrileñas ou, se cadra, en calquera dos seus múltiples parques empresariais (tomando as 5.000 principais empresas españolas, o 50,1% dos seus ingresos son xerados por sociedades con sede en Madrid).
 
O resultado de tan xacobino modelo económico trasládase á configuración dos territorios e ás cadansúas expectativas. Acaba de publicarse o dato da evolución demográfica do ano 2011: Galicia foi a Comunidade Autonómica onde máis se reduciu a poboación empadroada. Perdemos exactamente 16.509 residentes, e iso a pesar do baixo peso da inmigración (a perda de habitantes noutras CC.AA. debeuse ó retorno dos inmigrantes). As proxeccións do INE para o vindeiro decenio inciden na sangría: o Instituto estatístico estima que Galicia perderá outros 90.000 habitantes mentres que Madrid gañará arredor de 56.000. Este dato resulta estarrecedor introducindo o factor emigrante pois se espera que marchen da capital do Manzanares uns 200.000 residentes estranxeiros netos mentres que se calcula que a Galicia chegarán arredor de 20.000. Aplicando esa corrección, uns 110.000 galegos marcharán no período, durante o cal en Madrid a poboación española medrará por riba das 250.000 persoas. 
 
A resposta ó capitalismo castizo había ser unha aposta polas propias capacidades. Velaí o caso de Euskadi, un país que mantén uns envexables índices de desemprego e unha vizosa poboación a pesar da pasada influencia terrorista. Euskadi leva décadas defendendo un modelo autónomo baseado na captación de investimentos, na defensa dos factores endóxenos, na internacionalización das súas empresas, na promoción da innovación e o emprendemento (caso paradigmático o da Cooperativa Mondragón!) e no desenvolvemento xeral en clave social vasca. O contraste con Galicia é terrible. Nós seguimos ancorados nas prácticas clientelares, na autonegación, no localismo, no monocultivo, no minifundismo, na rendición e na submisión á Madrid, villa y corte. Os resultados fican á vista. So falta que a Xunta do PP apoie a Esperanza Aguirre para devolver competencias autonómicas ó goberno central. 

Marcelino Fdez. Mallo




Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

11 comentarios
3

Poetaprofeta

República federal dentro dos Estados Unidos de Europa ou simplemente Estados Unidos!!! Botádelle 20,30, 50, 100, 200 anos...Entón os tempos sí serán chegados para vello pobo de Breogán. Ou eso ou provincianos súbditos dunha dinástía francesa acomodada en Madrid. Ben o sabedes!! e ben o saben os caciques que nos gobernan. Que non serán nin bos nin xenerosos.Falta verdadeiro rumbo.


2

DESFEITA

Asi é. é o pais que temos, e pior a mentalidade que temos. Eu que vivi no Pais Basco, miña ignorancia de porque ten tan pouco autoestima os Galegos, cando é una Comunidade que ten grandes potencialidades economicas todas elas xestinadas dende fora. É posibel, que autodestruccion, o levamos na sangue, porque si non, non se pode entender a desfeita urbanistica Galega.

6 respostas
1

Por Ismael: Que potencialidades economicas?

2

Por DESFEITA: Pois home, un sitio que ten o 45% da madeira do Estado, produce mais do 20% de enerxia renovabel, mais do 60% do peixe, o 40% da leite, renidmiento agricola moi superior ao Español. Non ten a necesidade de facer grandes inversions en portos para que sexan rendibels, o aforro dos Galegos e maior que o Español (Galicia exterior). Penso que a necesidade ven de España, non de Galiza. Por certo, o maior problema que ten España, e que depende moitisimo da enerxia de fora, e Galiza non produce ese deficit enerxetico. Madrid e responsabel do desequilibrio económico.

3

Por Ismael: La madera no la vamos a aprovechar, véase Ence. Galicia ya tiene déficit energético, y menos mal de los famosos pantanos hechos hace 40 años. El pescado es gracias a la industria pesquera, ya que los caladeros y no están en nuestra costa, y con el apoyo recibido por esa industria, véase los problemas de licencias de las piscifactorias, este es otro sector que en vez de ayudar, ayudamos a destruir. Y te olvidas del mayor problema de Galicia, y es que es una entidad biológicamente inviable debido a su curva poblacional. Como región Galicia es deficitaria a la seguridad social, y las pensiones de los jubilados gallegos serian impagables.En cuanto a los ahorros de los gallegos, no entiendo a que te refieres.

4

Por HOSTELEIRO: Grazas "Español" por tanta xenerosidade. Xa sabemos que sen vos non podemos vivir. Un "caballero" Español, sempre saibe extender ben a man aos probes Galegos. Que sería de Galiza sen España, O gran imperio..........da hosteleria e dos negocios do ladrillo. Con camereiros que son os que mellor fan o seu traballo. Envidia de Europa, Con esos rios que levan auga a esgalla. Esas oficinas no centro da capital do Imperio Hosteleiro. Tanta xenerosidade non ten prezo. De feito moitos Galegos, centos de milleiros, colaboraron moi ben a saldar a Balanza de Pagos, traballando na Arxentina, Alemania, Suiza, Sud-America, ata na lua hay Galegos.cos seus miles de millons de doalres, para levantar o gran imperio Hoseleiro.

5

Por Ismael a Hosteleiro: Analiza lo que digo y dejate de consignas de manifestacion cutre. Si no estas de acuerdo puedes responderme, para eso estan los foros, para debatir, y por eso me gusta este, ya que encuentro opiniones con diferentes puntos de vista al mio. Lo que no comprendo es ese afan por el insulto de algunos en cuanto no comparten un analisis. Debate si sabes.

6

Por Poetaprofeta: A maior potencialidade económica é a de non perder nunca o ser de Galicia. Non converterse nunha rexíon que dependa dos fluxos económicos do centro. Galicia é unha nación e mentras non tome verdadeira conciencia histórica delo está condeada a que se repitan os mesmos males de antano.


1

Antón

Xa, cun concerto económico especial que fai que capte empresas por ter unha fiscalidade menor. Ter gran cantidade de poboación traballando no Iparralde e unha proximidade coa alfandenga que atrae a moitas delegacións. Todo eso pese o caciquismo do PNV, eso si un gasto e cobertura social mito maior que outras comunidades. Pero xa sabemos que Feijóo non gosta de keynessianismos.

2 respostas
1

Por O Muiñeiro das Serra: Estamos no momento óptimo para comprobar se os "ricos" galegos, que habelos hailos, apostan ou non por unha forza galega que semellante ao PNV, pois parece que o BNG ata agora lle producia arrepio. Se é así poderemos nunha década recuperar unha autonomía que estamos perdendo e unha estima que está polo chan. Outra cousa son foguetes dialécticos que cando estoupan non dan medo a ninguén. Nós e mais eles temos a palabra.

2

Por Antón: Ou moito me equivoco ou a burguesía galega é profundamente españolista, salvo raras excepcións, nada mais carpetovetónico españoleiro que darse unha volta polo club financieiro da Coruña. Só en caso de que o nacionalismo acade o poder pode modificar as suas posturas. De todolos xeitos eu non creo que nin PNV nin CIU señan independentistas, ou profundamente nacionalista é mais unha postura que outra cousa. O PNV serve a burguesía reaccionaria da marxe esquerda do Nervión profundamente opusdyana, e que a o igual que a burguesía catalana ten o seu mercado principal no estado español.


Marcelino Fernández Mallo

Economista coruñés con ampla traxectoria no sector financeiro galego e no mundo Internet. Colaborou con medios de distinta liña entre os que cabe salientar Vieiros, a Radio Galega e Xornal de Galicia. É autor das novelas Pallarega, A trenza ou Klásicos. Mantén o blog Atrenza.
@pallarego