A Xunta toma a Fundación Camilo José Cela

O Goberno galego nomeará a 10 dos 21 membros do Padroado e tentará que a súa xestión sexa "sexa eficiente". A fundación ten unhas débedas de 400.000 euros e pendentes apelacións a sentencias que sumarían cinco millón de euros en contra da institución.

Por Xurxo Salgado | Compostela | 26/04/2012

  • menéame
  • Chuzar
  • Do Melhor
  • Cabozo
  • del.icio.us
"Temos o compromiso de difundir a figura de Camilo José Cela". Este foi un dos argumentos utilizados polo presidente da Xunta para defender o control que o Goberno galego pasará a ter da fundación do escritor."É un compromiso respetuoso, necesario e responsable", destacou Fejóo tras o Consello da Xunta deste xoves.
 
A partir da súa integración no sector público, o padroado da fundación pasará a ser presidido polo conselleiro competente na materia de cultura, neste caso Xesús Vázquez. Así mesmo, a composición do padroado pasará a estar formada por dez membros propostos pola Xunta de Galicia. Ademais, serán membros natos o alcalde do Concello de Padrón, o reitor da Universidade de Santiago de  Compostela e os presidentes das catro deputacións provinciais. Doutra banda, haberá un membro designado polo Rei, un pola Universidade de Santiago de Compostela e outro pola Universidade Camilo José Cela. 
 
"Necesaria"
 
Núñez Feijóo cualificou esta medida como "necesaria" e destacou que, deste xeito, "dase cumprimento a un acordo parlamentario" entre PP e PSdeG. Sen embargo, non se quixo pronunciar se todo o legado da obra de Cela permanecerá na súa ubiación actual, na casa-museo do autor en Iria Flavia ou será trasladada á Cidade da Cultura. " O máis importante agora é preservar o legado do premio nobel", dixo, "para o que estea en Galicia, quede en Galicia".
 
Tampouco se quixo pronunciar o presidente galego sobre o custe desta operación. "Rebaixaremos os gastos e invertiremos o mesmo que invertimos noutros anos", respondeu sen concretar cifras. O orzamento da fundación para este ano foi de 450.000 euros, entre os que se atopan achegas púbicas e privadas, entre as que se atopan as de Novagalicia Banco. 
 
Con todo, son as administracións públicas --concello de Padrón, as deputacións e a Xunta-- as que manteñen o 90% do financiamento desta institución, principalmente, o goberno galego que aporta máis do 50% da cantidade total.
 
Débedas
 
Ademais, nos últimos anos, a fundación acumulou unha débeda cercana aos 400.000 euros e tamén está pendente de que se resolvan as apelacións que a presidenta do patronato,  Marina Castaño, fixo contra as sentencias que obrigan á insitución a pagar 3,9 millóns de euros pola súa situación contable e 1,1 millóns ao fillo do Nobel galego.
 
Unhas cifras que, de terse que executar, terían que saír do capital do que dispón a fundación; aproximadamente 12 millóns de euros, que é a cantidade na que está cifrada os bens mobres da fundación e os inmobres, entre os que se atopan cadros de Picasso e de Miró.
 
Por iso, a Xunta non descarta levar todo o legado á Biblioteca Amércia da Cidade da Cultura. Unha posibilidade da que xa falara o ex conselleiro de Cultura, Roberto Varela, en varias ocasións e que provocou a reacción imediata do concello de Padrón. uns e outros sectores da poboación. 
 
Plan de axuste
 
A Xunta asinou en 2010 un convenio coa fundación para participar de forma máis activa no seu financiamento, achegando máis do 50% dos seus ingresos. Desta forma, a fundación comprometeuse a realizar un plan de axuste económicofinanceiro para garantir a súa estabilidade financeira e un axuste máximo das previsións de gasto ás previsións de ingresos no período 2011-2015; tras o que o ente pasaría a ser fundación do sector público.
 
A fundación foi constituída con data do 14 de xullo de 1986 co fin de promover o estudo da obra de Camilo José Cela e conservar o seu patrimonio cultural, humano e aínda anecdótico. Un dos seus obxectivos é, ademais, estender o coñecemento xeral da obra e patrimonio do Nobel galego, así como de todas aquelas actividades dirixidas ao fomento da cultura.  

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

2 comentarios
2

galegoexiliado

¿E pa que vale esta Fundición, aparte de fundir cartos públicos? Si o que queren e difundir a obra de Cela ¿cantos millons de libros se editarían cos cartos que levan despilfarrados? Claro que entón non irían a parar aos bolsillos de militantes, familiares e amigos do ppartido. Ahora colocarán a uns cantos militantes, amiguetes e algún ex (sociata tamén pa que non haxa queixa) e a seguir chupando-despilfarrando, que como se dixo sempre: "paga o Estado, son cartos do Estado" e se non hai recortamos un pouco mais.


1

Tocatelasbolasmanolito

Podían encargarse tamén a autopista AP-9 que segundo AUDASA, non lles da cartos...AH non! que é rentable, aquí solo 'socializamos' as débedas, as ganancias non.