Can come a can

Na tardiña do pasado xoves, Standard and Poor´s decidía rebaixar en dous chanzos a nota do Estado español, até achegarse pasiño a pasiño, a ser considerado un Estado insolvente de facto.

Por Rafael Cuiña | Lalín | 30/04/2012

  • menéame
  • Chuzar
  • Do Melhor
  • Cabozo
  • del.icio.us
A presión dos mercados financeiros sobre a débeda española, fai que a situación torne nunha tormenta perfecta, na que os riscos de non pagamento son cada vez maiores, financiarse é máis caro, e os intereses a pagar son cada día menos asumibles. A destrución do tecido empresaria galego pola falta de circulante, ten como consecuencia un aumento do paro na nosa terra que xa afecta ao 20% da nosa poboación activa, que ademais de ser un termo moi interesante, o que vén a dicir é que 265.000 persoas están desempregadas en Galicia. Para algúns semella non ser unha traxedia, porque o diferencial co Estado é aínda favorable a Galicia. Política de altos voos, como poden observar …
 
A situación está chegando a uns niveis tan dramáticos, que a vella Europa empeza a dar síntomas, -aínda moi leves-, de rebelión contra as políticas de austeridade impulsadas polo eixe franco-xemánico, que están levando á bancarrota a Estados, mentres as políticas de estímulo brillan por unha ausencia inducida por aqueles visionarios da catástrofe. O propio comisario europeo de asuntos económicos, Joaquín Almunia, anteriormente coñecido pola súa militancia socialista, da unha pista do nivel de desorientación do estado das cousas cando afirma tras cinco anos de crise, que a clave está en que Europa teña unha posición común ante ela, deixando en evidencia a perda de tempo na adopción de medidas de estímulo económico, que o propio FMI empeza a criticar en algúns países, cando fala de exceso de recortes en algún deles.
 
Mentres no Estado español, o goberno lexítimo da dereita, prega porque en Francia gañe a contenda presidencial un socialista como Hollande, que poña coto á ambición panxermánica, e que faga virar o rumbo cara outras políticas europeístas progresistas no económico, e solidarias na súa acción co resto dunha economías que vagan por terreos pantanosos difíciles de superar. Claro que sempre podemos atopar políticos tan solidarios como os gobernantes cataláns, que tras deixar a súa terra ao borde do precipicio, reclaman para eles o que corresponde a comunidades máis solventes como a nosa, baixo o pernicioso silencio duns nacionalistas galegos, cuxos complexos de inferioridade ante o “irmán maior” catalán, fan desa omisión indecencia, sendo o proba máis clara, dun necesario novo nacionalismo galego, que defenda sen temor os intereses desta terra.
 
Ou non?

Rafael Cuiña




Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

32 comentarios
  • Páxinas
  • 1
  • 2
  • 17

    Comigo non contedes

    Hai que ser moi inxenuo para non pensar que o obxectivo disto, contando coa axuda dalgún resentido e de máis despistados, é danar o nacionalismo e axudar a manter a maioría do PP.


    16

    Xan

    Mimadriña! Isto si que é levar a auga ao teu pasto...! Semella que fallan os argumentos para lexitimar as posicións propias. Un do PP que agora vai de nacionalista mentindo e criticando ao BNG con non sei cal "irmán maior catalán". Canto máis falan máis se retratan. O único nacionalismo está no BNG.

    1 resposta
    1

    Por Xancinho: Un que tivo as pelotas de deixar o PP no momento que máis poder teñen, e sumarse a un proxecto que aínda nom é nada. UN valete Cuíña. Ogallá existiran moitos así en Galiza.


    15

    movimentogalegopilongo

    q magoa, a maioría comentarios destructivos...


    14

    omaio

    porque non se di que os gobernos deixan que os mercados fagan iso para que a banca gañe activos (¨doutra maneira¨)empobrecedonos a nós e favorecendo aos banqueiros e grandes empresarios,porque non se di que o goberno favorecerá ao privado e dicir a riqueza duns cantos,porque non se di que case todos os partidos(excepto sectores deles,e partidos coma iniciativa,iu,compromis)o bng e o pnv son ambiguos e mediocres xa que cando gobernaron estiveron mais con eses intereses que cos do pobo,ciu máis a dereita que o pp inclusive,a situación e esta porque a maioria politica e social o permite,hai que despertar do sono.

    4 respostas
    1

    Por Antón: Empezaches ben omaio, pero escarachelo, tal Blanca F. O choa . IU ven de facer un fraude cos seus militantes no refedum de Andalucia (realmente saeu negativo) pra gobernar xunto co SOE e acadar unhos postiños que é o unico que lles interesa. Sánchez Gordicho do CUT que é do millor que teñen, xa dixo que ia votar negativamente na investidura e como consecuente que é, esta a voltar a ocupar a finca de Sacromonte. Compromis son un pixos progres pequeno burgueses que entran e saen, alianse e desalianse según lles interese. Van de ecoloxistas, mais están implicados en varios pelotazos urbanísticos na comunidade valenciá. O que tedes que facer os españolistas é arregalar o voso país e deixar o nosos ós galegos. Os de fora dan tabaco.

    2

    Por omaio: eu españolista,non me fagas rir por favor.

    3

    Por omaio: o bng si que fixo un fraude no bipartito,tanto falar e tanta leria, perritos falderos psoe esas eran politicas de esquerdas anda por favor,menos mal que vai haber dous nacionalismos,haber se dunha vez temos politicos que non se vendan.

    4

    Por omaio: o bng si que fixo un fraude no bipartito,tanto falar e tanta leria, perritos falderos do psoe esas eran politicas de esquerdas anda por favor,menos mal que vai haber dous nacionalismos,haber se dunha vez temos politicos que non se vendan.


    13

    Eddy Merckx

    Can non come carne de can, e burgués nunca defenderá proletario, nin nacionalista español defenderá nacionalismo galego. Veña xa! Cuiña vendedor de crecepelo, moito cambeou o PP dende que ti entraches ate agora, cambeou de caralh...Ou eres un submarino ou un resentido unido a outros resentidos, porque escalaches menos no escalafón pepeiro nos últimos anos, que escalaba Blanco Villar os Alpes.


    12

    Atermundo

    Cuíña está sendo decisivo para o novo galeguismo que está a agromar. Pon alterados ós que ven como o seu chiringuito está morrendo. Acabouse o modelo Bloque para o nacionalismo. Chegaron os novos tempos. Cuíña e Teresa con Bascuas.

    1 resposta
    1

    Por Ansar das Azores: dame de eso que fumas, queo chegar ao teu altermundo.


    11

    Bandeora

    Non foi un insigno preboste de Acción Galega, XAPL, o que criticou que na Asemblea Nacional de Amio (onde houbo xente que non soubo perder), que se asubiase ao representante de CiU?


    10

    augadoce

    Esta ben poñer unha nova da páxina do bng do 15 de marzo de 2011 como exemplo de contestacíón as criticas que esta a facer CIU no 2012. Ademais a difusión que se fixo da nota foi enorme "en declaracións a www.bng-galiza.org o portavoz do bng afirma". Ou sexa que o portavoz do bng para contestar a CIU fai declaración ao bng en vez de os medios. A realidade e que temos medo a contestarlle a CIU non vaia a ser que nos deixe sen Europarlamentaria e entón xa temos uns cantos salarios menos..... Verdade ou non???

    1 resposta
    1

    Por Non, mentira: Nos deixa sen europarlamentaria? Estas un pouco confundido igual que co do demais... Esta noticia serve para ver a que xoga realmente Cuíña+marchosos.


    9

    Papaqueixos

    E van vir de novo os fe CiU convidados polo BNG o 25 de Xullo? Despois de insultar a Galiza?

    2 respostas
    1

    Por Non te preocupes: Tranquilo, seguro que os convida Bascuas, que quere crear a CiU galega co fillo de Cuíña. Anda que non se ve a mil leguas que toda esta operación co fillo de Cuíña-marchosos non ten máis obxectivo que impedir que suba o BNG e manter a maioría do PP.

    2

    Por anti unto: Os que protestavades porque convidaban a Batasuna ou a representantes palestiños ou saharauis, protestan agora por convidar a CIU cando erades vós mesmos os que extendiades as invitacións.Sodes como a ratita, que grita cando lla meten e chora cando lla quitan.


  • Páxinas
  • 1
  • 2
  • Rafael Cuiña Aparicio

    Cursou estudos de dereito, e na actualidade é empresario en Lalín. Membro de varios foros de pensamento galeguista, como Prolingua, foro Peinador e IGEA, do que é directivo. Articulista en diferentes medios do país.