"A Secretaría Xeral de Emigración ten constancia da intervención do presidente da Deputación de Pontevedra, Rafael Louzán, nun acto para cuxa asistencia era necesario aportar o pasaporte a autorizar ao PP para que xestionase o voto do asistente ao acto a través dos medios de comunicación que se fixeron eco dunha irregularidade que condenamos e consideramos que atenta á dignidade dos/das emigrantes galegos como posuídores de dereitos individuáis.

A Secretaría Xeral de Emigración ten constancia doutros actos nos que se realizaron comportamentos similares, como no caso do expresidente do PP de Venezuela que repartía as solicitudes de voto antes de convocar as eleccións municipais aos residentes da Estrada, Cerdedo e Forcarei, a través dos medios de comunicación.

En canto as medidas a tomar ante estos acontecementos, cabe destacar que as competencias en materia electoral non recaen na Secretaría Xeral de Emigración, se ben desde esta transmitimos aos centros e comunidades galegas no exterior cal é o procedemento para exercer o voto ñas eleccións municipais."