E é que Arxentina e Uruguai recibirán nos vindeiros días sendas comitivas procedentes da Deputación de Pontevedra e do Concello de Lalín. O presidente do ente provincial, Rafael Louzán, viaxará aos dous paises para inaugurar varias obras da deputación e para participar no 50 aniversario do Centro Pontevedrés en Urugai e do Centro Lalín de Bos Aires que cumpre 100 anos.

Precisamente, e a conta desta conmemoración, viaxarán tamén a terras arxentinas unha comitiva de sete persoas do Concello de Lalín; o alcalde, tres concelleiros do PP, dous do PSOE e a responsable de comunicación. Unha decisión que ten provocado as críticas dos nacionalistas que xa pediron unha relación de gastos. Dende o concello apuntan que os do Bloque "non van porque teñen a asamblea de Quintana, que senón tamén se apuntarían".