[...] Entre as novas funcionalidades engadidas ao lector de feeds rss de google, o reader, está a de recomendar novos feeds aos que non esteas suscrito e que, conforme aos teus hábitos de lectura, che poidan interesar. E certo que acertou de pleno, pois me amosaba un apunte en Galicia Confidencial cunha ligazón a youtube cunha conversa dun tema que xa saiu aquí hai tempo, a Fala dos tres lugaris, un documento sobre a fala dos ‘tres lugaris’ na que se apunta que co cambio de goberno na Xunta as cousas xa non son iguais, nin tampouco as axudas que reciben nestes tres pobos para o fomento desta particular fala da Junta de Extremadura. [...]

Coñezo o val de xálima, un lugar fermoso, unha pequena galicia no medio dun mar extremeño en plena serra de Gata. Cando falei con aquelas xentes no meu idioma sentinme plenamente orgulloso de falar galego. Eles non falan galego propiamente dito, pero certamente que falan coma nós. E denfenden a súa lingua como os que máis. Pero precisan de axudas pra poder mantela porque agora mesmo non se ensina na escola. Se se mantén e grazas ás familias que son as que fan que pase de xeneración en xeneración. Realmente sería unha magoa deixar de apoiar institucionalmente os esforzos desas tres aldeas extremeñas. Se non reciben apoio a lingua vaise perder. Claro que a estes que gobernar agora xa se ve que tanto lle ten. Se nen sequera son quen de apoiar a lingua na propia Galicia. En fin...