Pretende cambiar o sistema selectivo de saúde por un máis universal, algo que en España parece do máis normal, pero que nos EEUU é un luxo; pretende cambiar un modelo enerxético  que prexudicaría as grandes petroleiras,  acostumadas a políticas dos Bush e compañía. Rompeu  estereotipos radicais, abrindo novas posibilidades de relación con Latinoamérica (especialmente con Cuba). Decidiu acabar ca vergoña de Guantánamo, aínda que leva un proceso lento debido o complexo loxístico e a súa legalidade.

Todas esas cousas son complicadas, levan tempo e hai que loitar contra poderes establecidos en tódolos niveis da Administración, finanzas, economía, relixión. Iso tamén fai que moita xente pense que Obama non fai todo o que debería, pero un ano é pouco para poder cambiar o mundo que deixou Bush e os seus predecesores. E todo sen esquecerse que Bush deixou unha herdanza naqueles que levaron a Norteamerica ás políticas antisociais e agresivas co resto do mundo e que seguen cos seus poderes,  cos  seus medios de comunicación.

Serafín Martínez