Todo se remonta ao 22 de novembro de 2006 cando a xerente de Urbanismo de Sanxenxo, Encarnación Rivas, actual Secretaria Xeral de Urbanismo da Xunta, firma un informe de valoración para cada SU, no que se pon en cuestión a esixencia de reservar o 20% da edificabilidade residencial para a promoción de vivendas suxeitas a algún réxime de protección pública, toda vez que ao abeiro do establecido no artigo 64.f) da Lei 9/2002, cando a edificabilidade total do sector non supere os 0’20 m2 ( no caso que nos ocupa a edificabilidade total do sector é de 0’136), o Plan Parcial poderá suprimir esa reserva. Firmase un convenio coas promotoras dos SU para monetarizar esa reserva. O SU 14 promovido por MIRADOR DE SANXENXO SL, empresa pertencente ao grupo SEDESA dos Cotinos valencianos, nuns  4.797.796€, e o SU 13, promovido polas empresas Emprosal 16, Llave de Sanxenxo SL, etc,  por 3.831.000€.

Coa entrada en vigor da lei 9/2008 é obrigatorio que tódolos desenvolvementos urbanísticos destinen o 20% a VPO, co cal ao non estar aprobados os plans parciais destes SU estan obrigados a facer esa reserva. Antes do que se aveciña, a alcaldesa de Sanxenxo, no pleno do mes de xullo deste ano, leva a aprobación inicial do SU14 e afirma que os cartos entregados polas empresas corresponden a unha “entrega voluntaria que fan as empresas ao concello”.

As promotoras atopanse que pagaron unha exección que agora non é tal e, por iso, os primeiros en interpoñer un recurso ante a administación esixindo a devolución dos cartoscson os promotores do SU14. Por iso, nun pleno, o grupo de goberno, o PP, rexeita a admisión do recurso presentado. Entón Mirador de Sanxenxo presenta un contencioso que foi admitido a trámite solicitando a devolución dos case 5 millóns de euros.

Pero nestes dias tamén se confirmou que os promotores do SU13, SU que ainda non ten o plan parcial aprobado, tamén solicita a devolución dos case 4 millóns de euros pagado interpoñendo outro contencioso contra o concello de Sanxenxo.

A inseguridade xudírica é tal que a alcaldesa nunca puido garantir que os cartos non se foran devolver e no informe que se fai dende a Xerencia de Urbanismo certifican que non procede a devolución argumentan o seguinte: “Obvio é dicir, que a inadmisión do Recurso, en boa técnica forense, imposibilita entrar no fondo do asunto” .

Máis datos en: http://cousasdesanxenxo.blogspot.com na etiqueta de Urbanismo.