Os principais dirixentes do PPdeG non queren que se reproduzan batallas de anos pasados que supuxeron, á longa, a perda do Goberno da Xunta logo da defenestración de Rajoy e Romay, primeiro, e de Cuíña e Cacharro, máis tarde. E para iso, están dispostos a acabar, dunha vez por todas, cos movementos críticos.

Por iso desacreditan a existencia de correntes internas "galeguistas", como as que representan Rafael Cuíña ou o sector ourensán encabezado polos Baltar e aseguran que todo se trata de "puro marqueting" en momentos puntuais; por un lado polo proceso congresual ourensán e polo outro, polo novo decreto do galego. "Dame a risa escoitar que Baltar é galeguista. O que é é un oportunista", asegura un diputado popular colaborador de Feijóo. "E Cuíña, ese quen é?. Eu coñecía ao pai, pero do fillo pouco sei", ironiza sobre as declaracións que este destacado militante realizou a GC.

Unión entre Baltar e Cuíña

E é que na Nécora --a sede do PPdeG- cren que, tanto os Baltar, como Rafa Cuíña, actúan de xeito coordinado para tentar "desestabilizar" ao partido. "Queren facerlle crer a algúns militantes que o galeguismo do PP está en perigo", indica outro cargo orgánico do Partido Popular consultado por GC. "Nada máis lonxe da realidade. O PP é o mesmo de sempre, o de Fraga, o de Rajoy e agora, sobre todo, o de Feijóo e é máis galeguista que nunca", suliña.

A dirección popular non vai a entrar en "dimes e diretes" nin con Baltar, nin con Cuiña, na cuestión do galeguismo do PPdeG. "Iso é o que queren algúns. Ter a súa dose de protagonismo", aseguran as fontes consultadas que descartan que a posición do partido sobre o decreto do galego teña causado fracturas. E para destacar a "gran harmonía" que existen nas filas populares recollen as palabras do propio Feijóo; "O comité de dirección do partido expresou a súa unanimidade con respecto á postura da Xunta". E aí termina a polémica. "Insisto. O PPdeG é o de Feijóo, nin o dos galeguistas, nin os de Madrid".

A guerra dos dossieres

A pesar do "ninguneo" da Nécora as opinións "galeguistas" de certos dirixentes populares, o certo é que na dirección deste partido en Galicia hai certo nerviosismo co que está a acontecer en Ourense e coa imaxe que se está trasladando aos militantes e ao conxunto dos cidadáns galegos.

E, aínda que na Nécora eran reticentes a entrar en confrontación directa, o certo é que Feijóo e os seus xa se teñen postulado oficialmente do lado de Jiménez Morán. Por iso, os continuos chamamentos á "renovación" feitos polo portavoz popular Antonio Rodríguez Miranda e a intención de levar "observadores neutrais" ao congreso teñen caldeado o ambiente.

Nesta guerra sucia non se descarta nada. Nas últimas horas mesmo cobra importancia a posibilidade de que os dous sectores utilicen a certos medios de comunicación para desacreditar ao opoñente. Segundo informaron fontes populares a GC, tanto La Voz de Galicia, como La Región poderían ser os medios escollidos polos oficialistas e polos baltaristas para a publicación de sendos dossieres sobre supostas actividades irregulares tanto de Baltar coma de Jiménez Morán. Informes que mesmo afectaría a vida persoal dos contendentes. Unha estratexia que non gusta a ningunha das partes. Por iso, dirixentes dun e doutro lado piden sosego e que "non chegue o sangue o río".

Segundo os seus afíns, unha mostra desta boa "vontade" foi o anuncio de José Manuel Baltar de non impugnar a candidatura de Jiménez Morán pola presencia de máis de 170 avais duplicados na súa candidatura. A esta cuestión referianse os principais actores do proceso congresual en Ourense: