Tal e como xa contamos neste xornal, ao xefe do Executivo galego non lle gusta o nomeamento de Ferrín. E así o deixou claro na rolda de prensa posterior ao Consello da Xunta. A preguntas deste medio, Feijóo evitou polemizar co escritor ou coa RAG, e suliñou que respeta a decisión dos seus membros porque foi "democrática". "Se esas son as normas eu respeto as normas", dixo.

"Tócaralle a el, como dixo, non politizar a Real Academia e falar pouco e defender máis a riqueza do galego e a supervivencia do galego", aclarou ao ser preguntado polas vinculacións políticas de Ferrín. Así, dixo respetar o seu pasado como escritor, "do que participo", pero do seu pasdo politico, el é o responsable", aclarou. "Non sei se o pasado político das persoas que están nas institucións marcan a súa actividade. Espero que non", insistiu.

Gobernar Galicia

O presidente galego apostou pola prudencia e pediu tempo para ver se o tempo "da ou quita razóns", sobre a ideonidade da elección de Ferrín. En todo caso insistiu en que a relación da xunta coa Academia non vai a variar. "Será de respeto e comprensión sobre as súas propostas e despois o goberno terá que gobernar porque o goberno ten unha competencia indelegable que é gobernar", engadiu.

Cumio europeo en Santiago

Por outra banda, Feijóo calificou de "decepcionante e equivocada" a decisión do Goberno central de non celebrar o cumio de cultura da UE en Santiago e argumentou que Compostela é, nestes momentos, grazas ao Xacobeo, a capital cultural de Europa. "Desde o punto de vista cultural, da cultura europea, hai moi poucas cidades que se poidan comparar con Santiago, desde logo, en España, ninguha", salientou. Por iso, anunciou que falará coa vicepresidenta do Goberno central para amosarlle o seu malestar por esta decisión e pediulle a outras formacións, especialmente ao PSdeG, que reflexionen "cando din que o Camiño necesita máis apoio".

O presidente galego non critiou, sen embargo, a presencia da Familia Real en Jaca, e non na capital de Galicia, para inaugurar o Ano Santo. Así, resaltou que o importante é que tamén veñan a Compostela e dixo que invitará aos monarcas españois e a súa familia a visitar Santiago. Sobre o acto da antiga capital do Reino de Aragón, sinalou que el tamén irá e destacou a importancia do "inicio e do final" do Camiño.