Tal e como nos informan os nosos colaboradores do Xornal Certo e segundo informa o blog 'En modo esponja',  desde este foro popular recomendase que se vote afirmativamente a duas enquisas que o xornal compostelán fai sobre o goberno de Feijóo. Por unha parte sobre a valoración do seu executivo logo dun ano de goberno e sobre as medidas postas en marcha pola Consellería de Educación para previr os efectos do temporal.

O remitente desta mensaxe grupal insta aos militantes populares a "darle un empujoncito a esta dos encuestas" porque "según me he podido enterar el PSOE está poniendo a andar toda su maquinaria y tiene órdenes de votar en contra". A pesar do envío deste aviso, Feijóo e o seu goberno seguen por detrás nestas dúas enquisas.

Este tipo de accións son moi comúns entre os militantes das grandes formacións políticas nas redes sociais que se están a converter nos últimos tempos nun importante sistema de mobilización do electorado. Así aconteceu, ademais, durante a pasada campaña electoral para o congreso do PP de Ourense, onde o novo presidente, Xosé Manuel Baltar,  chegou a sumar máis de 800 siareiros nun foro creado en facebook para apoiar a súa candidatura.