Aconteceu en Fitur, durante a presentación das bondades do Xacobeo. Varela castelanizou topónimos galegos e converteu a Touro en 'Toro' e a Sobrado dos Monxes en 'Desván de los Monjes'.

Rápidamente nos foros de internet e, sobre todo nas redes sociais, comezaron a comentar o sucedido. Unha información que utilizou a nacionalista Carme Adán durante unha comparecencia do conselleiro no Parlamento para pedirlle a demisión. "Deixen de buscar basura en Internet. Hai que ser estúpido para pensar que eu vou a dicir Desván de los Monjes", dixo entón.

Web institucional

Sen embargo, un video colgado precisamente nunha web institucional  "http://www.galiciavensientela.com/" puxo en evidencia o conselleiro que tivo que pedir desculpas. "Utilizaron un traductor automático no meu discurso e por iso dixen o que dixen", sinalou ao recoñecer ao seu erro e logo de chamar as deputadas Carme Adán e Marisol Soneira.

Non é a primeira vez que a Xunta ten un disgusto deste tipo. Hai unhas semanas, nunha visita institucional do voceiro do PP de Pontevedra ao presidente da Xunta, Telmo Martín dixo dos xornalistas que eran "unos hijos de puta", afirmación da que tivo que desculparse en rolda de prensa. Daquela, o video fora remitido tamén polo propio Partido Popular.

Unha situación semellente aconteceulle á presidenta da Comunicade de Madrid, Esperanza Aguirre, que se referiu a un dos máximos colaboradores de Alberto Ruíz Gallardón, Manuel Cobo, como un "hijo de puta". A expresión foi captada polos micrófonos antes do comezo dun acto e Aguirre tivo tamén que retractarse.