Deste xeito, acaba de contratar á empresa Difux, SL, por pouco máis de 45.000 euros para a impresión, edición e distribución de diverso material para a campaña do Día das letras galegas 2010, que este ano se adica ao poeta Uxío Novoneyra.

Logo de aprobarse o expediente de gasto, a secretaría xeral envíolles unha invitación as empresas Agencia Gráfica Gallega, SL; Difux, SL; Desarrollo y Organización de Servicios Múltiples Internacionales, SL (en diante 2Mil) e Grupo Comunicación y Diseño Lúdica 7, SL para que presentaran as súas ofertas no prazo de cinco días naturais.

Segundo consta na documentación que figura no expediente e do informe que emite a negociadora designada para o exame e análise das ofertas, Difux, SL foi a empresa mellor valorada para realizar este traballo. As impresións e edicións de libros conmemorativos teñen que estar listas en 18 días.