O columnista de Galicia Confidencial Antón Tenreiro asegura, nun novo artigo, que se está "alentando un pucheirazo de facto" para "alimentar non se sabe que intereses nin acordos ás costas da militancia".

Así, sinala que na Coruña foron case medio cento de militantes quedaron fora do proceso de selección do candidato local ao non estar ao día coas súas cotas. Por iso denuncia que o "aparato" utiliza información "da que outros non dispoñen" para proceder deste xeito.

Segundo puido saber este medio, hai varios militantes nacionalistas que estan pensando en acudir aos tribunais para poder participar nas elecciòns  do candidato do BNG logo de que o Consello Nacional votara en contra desta posibilidade.

***************************

A Coruña tiña un prezo

A pasada semana escribín unha carta co titulo "por un puñado de votos" referida á situación do BNG da coruña a respeito das próximas eleccións municipais. Hoxe, seguindo con titulos sacados dos filmes de Sergio Leone titulo a presente "A Coruña tiña un prezo".

Os censos do BNG para a participación da militancia nos procesos internos para a elaboración definitiva das candidaturas resultaron polémicos e así se recolleu na prensa, onde se viu a postura oficial maioritaria da UPG e a contraria de +G e Encontro Irmandiño. Esto resulta xa habitual en calquera proceso interno pre-electoral e en certa medida lóxico, pois o "aparato" acostuma controlar datos e información coa que non contan o resto de grupos, cuestión esta a resolver por simple hixiene democrática.

Na Coruña, en concreto, foi onde se deu o caso máis rechamante, pois quedaron sen dereitos cinco decenas de militantes por distintos motivos: varias persoas nunha misma conta sen relación de parentesco, impago de cuotas, negativa de Galiza Nova a admitir novas afiliacións por motivos cando menos discutibeis etc...

A maior parte de estas baixas, curiosamente, pertencen a persoas aderidas ao chamado "tellismo" e a un sector de +G, o que evidencia o que decía anteriormente de que o "aparato" evita previamente estas situacións por contar con información previa da que outros non dispoñen.

En +G da Coruña, ademáis de verse perxudicados polas baixas propias do BNG, deben padecer tamén a asunción interna da mecanica do BNG a pesares de ter votado en contra no Consello Nacional e ademáis das persoas sen dereito a participación decididas no BNG, moitos afiliados a +G quedan tamén sen dereito a participación no +G da Coruña que manteñen ese dereito no BNG.

Traslados de localidade sen efectuar, persoas ás que non se lles tramitou a afiliación, baixas recurridas no BNG ás que aínda non se deu resposta e que son asumidas tamén por +G, persoas que pediron a alta en Galiza Nova e +G e que non lles foi concedida en ningunha das organizacións sen máis explicacións, e en definitiva, unha chea de irregularidades que perxudican, maioritariamente a unha das partes, a mesma que despois de ter gañado conforme ao regulamento unha votación para a dirección local de +G, foi suspendida e sustituida por unha xestora arbitrariamente.

De manterse este censo, estariase alentando un "pucheirazo" de facto dentro de +G para alimentar non se sabe que intereses nin acordos ás costas da militancia.

Si estas son as formas de ese novo BNG que se quere criar desde +G e que apoiou o 45% da militancia, parecense moito ás do actual BNG, e para ese "cambio" non paga a pena tanto esforzo...mentras, segue amedrar o descontento.