"A Consellería de Economía e Industria lamenta o ataque sofrido pola súa páxina web no transcurso da tarde de hoxe, que estivo bloqueada durante algúns minutos como consecuencia dun boicoteo informático do que se están investigando todos os datos, incluída a súa procedencia".

Así comeza un comunicado oficial da Xunta no que se recoñece que durante varios minutos deste mércores a web oficial da Consellería de Industria foi asaltada por piratas informáticos. Descoñécese se os piratas accederon a datos do Goberno, ou se só vulneraron a primeira barreira de protección da web.

Na portada do sitio podíase ver a caricatura do presidente que acompaña esta información. Feijóo tiña un billete na boca e outra na man. Da súa boca saía as palabras "dadme dinero y os sacaré de la crisis" escrito en español.

A web da Consellería de Industria mantén o mesmo deseño vixente na época do bipartito. De feito, non foi até ben entrado 2010 que publicou os convenios firmados polo Goberno do PP, pois durante meses só mantivo as axudas a dedo concedidas na época de Fernando Blanco.