A Garda Civil detivo este luns a Fernando Leyenda Estévez, ex-concellal do PSdeG en Baiona nos anos 90 e na actualidade patrón maior en Baiona. A súa detención ten que ver coas súas funcións como responsábel dos pescadores locais, entre as que está estender certificacións aos buques.

Dende a súa entrada como patrón maior na primavera de 2009, Leyenda tivo varios enfrontamentos coa Consellería de Pesca da Xunta (PPdeG). O máis grave é en torno á loita contra o furtivismo. Este último venres, directivos da Consellería de Pesca lembraban publicamente a Leyenda a súa obriga de "cumprir estreitamente cos deberes que esixe a Lei".

Leyenda e o seu equipo de goberno decidira recentemente rescindir o contrato do xefe e de varios membros do grupo responsábel da loita contra o furtivismo na zona, alegando queixas dos propios pescadores. Os vixilantes reaccionaron denunciando unha "persecución" por parte de Leyenda, que vetaría calquera intervención que non fose de percebe.

O asunto desenvorcou nunha investigación por parte da Xunta, que agora dá un novo xiro tras a detención de Leyenda. O patrón maior tamén tiña denuncias anteriores ante a propia Consellería por pesca ilegal.