Desde a rexión do Porto de do Norte de Portugal denuncianse os beneficios que o Goberno portugués sempre tivo co sur do país, principalmente, con Lisboa, Algarve e Alentexo. Por iso, os cidadáns comezaron a mobilizarse e non se descarta o inicio de protestas, manifestacións e mesmo folgas.

O conflicto sanitario en Valença do Miño de hai uns meses, que enchou a vila fronteiriza de bandeiras españolas, non foi máis que a espresión do abandono que os portugueses do norte din sentir dos seus gobernantes. Esta situación de desamparo repitese tamén nos ámbitos económicos, educativos e industriais.

Peores índices económicos

O norte portugués ten un índice de paro máis elevado que a media do país, 12% fronte ao 9%, e nos últimos meses pecharon máis pequenas e medianas empresas que no resto do país, princpalmente de calzado, madeira e téxtil, con moita man de obra. Lisboa é privilexiada fronte a Porto. O 90% dos empregos públicos máis cualificados están na rexión lisboeta.

Esta situación está favorecendo o xurdimento de sentimentos rexionalistas que, ata o de agora, nunca foran fortes. De feito, para o vindeiro inverno está previsto a presentación pública dun novo partido que defenda os intereses do norte e que engloba a ex militantes socialistas e do centro-dereita descontentos coas súas antigas formacións. Este partido pode levar o nome do Movimento Pro-Partido do Norte ou Partido Portugués das Rexións.