Unha mensaxe en inglés advirte a esta hora que a páxina de podcast de Radio Nacional de España Radio 3 está hackeada. Os autores do ataque informático asinan como “LatinHackTeam”.

O ataque prodúcese nunha das fins de semana con máis visitantes na web da emisora estatal especializada en música pop, pois son numerosos os oíntes que se conectan a Radio 3 para seguir festivais como o de Benicasim.

Os piratas conseguiron modificar a aparencia da web que permite descargar os programas da emisora estatal. O ataque comezou antes das 13 horas do sábado e persiste cando as 18 horas, o que apunta a que os servizos informáticos de Radio Nacional non teñen aínda controlada a situación.

A emisora estatal vese no compromiso de explicar se só se trata dunha modificación do sitio, ou se os piratas aproveitaron o acceso aos podcast para tentar difundir algún virus entre os suscriptores dos programas.