Unhas cifras positivas que animan ás empresas a iniciar novas misións comerciais no estranxeiro segundo os datos apotados polas Cámaras de Comercio galegas. Así,  o balance comercial de Galicia foi no primeiro trimestre do ano de 3.712 millóns de euros en exportacións, fronte aos 3.076 millóns de importacións. Un incremento dun 22,6% con respecto ao mesmo periodo do ano anterior.

Sectores punteiros

As exportacións creceron, sobre todo, no sector do automóvil, manufacturas de consumo, bens de equipos, alimentos e semi-manufacturas. Europa segue sendo o destino principal destas vendas con incrementos significativos nos mercados de Portugal, Bélxica, Francia e Luxemburgo.

Estas cifras son superiores á media estatal. O crecemento medio do estado foi dun 14,8% o que coloca a Galicia como sexta comunidade máis exportadora, tras Cataluña, Madrid, Andalucía, Comunidade Valenciana e País Vasco.