A última vez que o PSdeG puxo sobre a mesa unha denuncia así o número 3 dos conservadores, Antonio Rodríguez Miranda, acabou devolvendo 4.000 euros de axudas de custo, cobradas sen motivo. Os socialistas retoman agora tema das dietas. O obxectivo, Beatriz Mato, conselleira de Traballo e ex-delegada de Pesca na Coruña.

A acusación, en curto, é que Mato “apuntábase unha dieta que habitualmente non facía para aumentar de xeito artificial o seu soldo porque lle parecía baixo”. A conselleira indica que o cobro das axudas foi, en primeiro lugar, sempre de acordo coa norma vixente e de xeito case que automático, pois ela nin sequera cubría os impresos. 

José Tome, o deputado que deu a rolda de prensa hoxe en Santiago, avala a acusación sen exhibir probas documentais. "A Xunta agocha documentación sobre o presunto cobro irregular de dietas da conselleira Mato", láiase polos oito meses que os socialistas levan reclamando a documentación das 'dietas' de Mato comezando por 2002, en plena resaca do Prestige.

 A conselleira promete facer canto antes as contas da Consellería de Pesca do último goberno Fraga, que logo gobernou a socialista Carme Gallego.