Baixo o documento "En defensa da profesionalización e seguridade na extinción de incendios forestais e en defensa do reforzamento integral do servicio público de defensa contra incendios forestais", as catro centrais sindicais comprometense a seguir unha folla de ruta unitaria para esixirlle ao Goberno galego que cambie o sistema de contratación do personal de loita contra os incendios.

Eliminación de Seaga e Natutecnia

Por iso, piden a supresión das empresas Seaga, engargada da contratación do personal de prevención, defensa e extinción dos lumes, e Natutecnia, encargada da coordinación do operativo. Aseguran que o sistema actual causou "descoordinación" e unha "importante diminución na eficiencia na loita contra os lumes". Neste senso, acusan á Xunta de "oscurantismo" na contratación de persoal e de fomentar a precariedade laboral.

Por iso, reclaman a contratación de todos os traballadores de loita contraincendios a través de listas públicas oficiais de contratacións temporais, a convocatoria urxente dunha xuntanza coa consellería para expoñerlle as eivas detectadas este verán e a convocatoria "urxente" do Comité de seguridade e Saúde do Servizo Público de Defensa contra Incendios Forestais (SPDCIF) para abordar a siniestralidade e a seguridade na loita contra os lumes.