A CIG denuncia que o encargado de Autobuses de Calo agrediu fisicamente a Nélida Pisco na nave da empresa o pasado mércores. A traballadora tivo que ser atendida no centro de saúde, onde se levantou o preceptivo parte de lesións.

Nélida Pisco é condutora de autobuses e foi depedida do seu posto de traballo da empresa de transporte Autobuses de Calo despois da maternidade. A continuación sufriu  un calvario xudicial de varios até que logrou que o despedimento fose declarado nulo. Grazas a loita polos seus dereitos laborais recebeu o premio 8 de marzo da secretaría da muller da CIG o ano pasado e reincoporouse á empresa de transporte da comarca de Compostela. Velaquí un resume en vídeo da súa historia:

Tras a agresión física denunciada, a central asegura que "Hedegasa está dando cobertura a un acoso laboral e agora tamén físico porque non se lle perdoa á traballadora ter defendido o seu dereito a ser nai e traballadora".  Este martes terá lugar nos xulgados de Fontiñas un xuízo rápido pola vía penal.