A oportunidade de todos

No noso tempo, ese que vai marcado pola imposición dunhas normas verticais que nós non negociamos porque nin sequera as consideramos lexítimas, á desesperanza social existente ante una oleada de ataques constantes e sistémicos contra a autonomía persoal e a liberdade colectiva.

Por Héctor Tejón | A Coruña | 21/02/2012

Aúnase un vacío de intermediación entre a necesidade-carencia e a xestión da abundancia para o establecemento do benestar, que as tradicionais organizacions políticas foron perdendo nunha mestura de complacencia có sistema e unha desvirtuada inercia histórica.

A sociedade deseñou un mecanismo de intervención, e xa non representativo coma se nós fai creer se non executor da vontade popular, na gobernanza do que podemos chamar “ben común” ou “res civitas”. Esa esixencia social, a esa demanda real, obedece un partido político coma un dos canalizadores das enerxías e forzas que emanan da cidadanía, a que no presente amosa cotas de comprensión e práctica da liberdade endexamais experimentadas, e curiosamente, non refrendadas nin realizadas polos seus referentes políticos.

Organizacións de base que artellan mecanismos de acción e actuación en lugares nos que a política non pode estar presente, observan coma ese referente non comprende que non ocupar o mesmo lugar ó mesmo tempo non significa unha fronteira inquebrantable, se non unha ponte que hai que atravesar. Do mesmo xeito, cidadanía que ostenta unha maioría de idade política responsábel e esixente (en diferentes formas e niveis), que son as compañeiras inseparábeis da liberdade, xa non acepta a falta de coherencia entre o falazmente prometido, o cobardemente executado e o vilmente esquencido. Esta pequena síntese é a que nos serve de partida para entender baixo que circunstancias, características e condicionantes foise desenrolando o feito histórico que ven de acontecer no nacionalismo galego (na súa concepción tradicional) nos últimos tempos.

A canalización dun forte sentimento de esquerdas, enraizado na práctica do territorio galego, baseado no exercicio da soberanía popular e o dereito a decidir sobre o noso destino, medios de producción e desenrolo social, foi un regueiro de conquistas para o nacionalismo galego baixo as siglas BNG.

Ese partido estandarte da implantación da democracia en Galicia, da loita contra o ilexítimo dun referéndum constitucional que igualou en privilexios un territorio estatal con evidentes disparidades e diferencias nunha especie de pax romana non negociada libremente. Foi o mesmo que festexou e canalizou a primeira manifestación de conciencia de clase no, xa famoso, mitín de Riazor de 1982, e que non soubo adaptarse a evolución social que esa conquista xenerou. Nesa falta de recoñecemento, porque non dicilo, de complicidade coa sociedade, foise xestando a lenta e progresiva desafección canda a forza de esquerdas máis representativa do país. Quizais, porque para súa cidadanía esa concepción do termo “esquerda” atópase escorada a dereita nas súas manifestacións políticas e formas de gobernanza. Ou porque simplemente xa non é lexítimo coma medio político para realización, novamente, da soberanía popular.

A escisión que ven de plantexar Encontro Irmandiño ten tantos enfoques e lecturas, coma bases do analise tomemos. Por un lado, a puramente de partido. Coma corrente interna dun gran partido que amosa súa disconformidade coa dirección e deriva que a fronte estaba a levar ( problema no cal tamén existen tensións de poder interno, sería ridículo negalo).

Polo outro, coma instrumento consultivo a través dun proceso iniciado xa fai máis de 5 anos coa chamada “Rolda de Rebeldía” que pouco a pouco estase a converter nun elemento distintivo do novo partido; a disposición dun lugar de conexión e interlocución coas bases políticas, sociais e cidadás do país, os irmandiños apalparon o sentir social, as voces silenciadas dos movementos sociais, as dos cidadás cohibidos ante a doctrina de partido que esixía pureza e proselitismo ideolóxico para simplemente escoitar, a da militancia desencantada e necesitada de respostas coherentes, colectivas, e sen dúbida, éticas. Un longo etcétera de persoas anónimas e referentes históricos, de pasados vivos e presentes que non queren esvaecer, foi enchendo de lexitimidade as proclamas dunha pequena corrente molesta que transformouse en realidade conquistada ó final.

A mesma Galicia non ten porque enfrontar ós que, dende diferentes perspectivas, fixeron o que creron máis adecuado (máis aló dos seus hipotéticos intereses persoais, ou así debería de ser.) para gobernar un país. Encontro Irmandiño, xurde ante a necesidade imperiosa dun novo referente, dun novo xeito de facer política, de relación coas necesidades que afloran en cada recuncho do país, de acadar aquel lugar que as oligarquías chamaron “utopía” para deslexitimalo coma posibilidade real e que agora sabemos que era a forma coherente de terse desenrolado o devir material, instrumental e colectivo do territorio galego (e case que das sociedades industrializadas).

Esa mesma necesidade, foi moldeando novas formas de relación, diálogo e discurso que son as que producen non unha ruptura traumática, se non unha diverxencia afectiva nunha longa relación de intereses comúns. Por iso non existe confrontación, nin sequera resquemor na partida. Porque ante todo, está a cidadanía. A que lexitimará ou non todo o que está acontecer, pero a mesma que non se pode ver afectada (no caso de moitos concellos) por un cambio na forma administrativa, porque esa non é a intención de ningún dos “convidados” o novo espectro político que comeza a emerxer logo de 30 anos de tripartidismo. Por iso, a lectura do acontecido o día 12 de febreiro do 2012, é optimista, porque unha sociedade plural é unha sociedade sana e máis adulta.

Unha sociedade que conta con varios puntos de presión ante a opresión do poder económico e o secuestro da liberdade, é unha sociedade mais forte.

Nos últimos procesos electorais, quedou evidenciado o distanciamento e perda constante de apoios ca fronte nacionalista obtivo, ate chegar a unha oligofrenia rosaliana coma foi a lectura dos resultados das ultimas eleccións no estado español “seguimos mantendo representación” é certo. Pero a cidadanía galega, está cansa dese espíritu rosaliano de conformismo, dese relato imposto a unhas xeneracions que saben moldealo seu tan ben ou mellor cos seus antecesores. Convenios colectivos que desamortizaron o naval coa complacencia de sindicatos, indefensión das clases máis novas perante o exterminio do capital cultural do país (semella que se non dis galiza,non es galego…), o tema das caixas levado nun nivel de preescolar insinuando cas divisas teñen patria e bandeira, e poderíamos seguir enumerando unha infinita lista de percepcions cidadás que o BNG non soubo nin canalizar nin dar resposta. Outras moitas, evidentemente, sí. Escasas e non relevantes para seus votantes que marcharon canda IU (cómicamente chamada esquerda españolista-comunista) PSOE, partidos minoritarios secundados por fortes movementos sociais,ou simplemente desencanto en forma de abstención.

Se ó análise organizativo, e ao electoral, sumámoslle a realidade social que os votantes apalpan e os militantes sinten, o diagnóstico é evidente, non por elo traumático. O desexo dunha nova forza diferente e capacitada para ser instrumento hexemónico e dirixente da sociedade galega vilipendiada e maltratada por un gobernó tecnocrático que so busca a imposible cuadratura do círculo, aflora coma meta entre as forzas sumerxidas e silenciadas por

unas formas organizativas arcaicas e non representativas da nova realidade galega, que transxeneracionalmente foise conformando.

O presente esixe traballo, entrega e determinación na posta en marcha dun novo referente cercano a tódalas sensibilidades do país, dende o arredismo ate o nacionalismo, dende os movementos sociais ate a cidadanía anónima e reivindicativa. Un referente que non necesita un discurso claro, porque éste non é o outro ca destrucción do discurso económico, instrumental e (i)racional instaurado. A ruptura das barreiras post-organizacionais na comunicación e intermediación de intereses colectivos. A nova reformulación e xuntanza das forzas que semellaban entumecidas por esquecemento, pero que estaban vivas agardando ser visibilizadas. Nesas voces, neses tempos pasados que transmiten sabiduría e coñecemento, neses tempos presentes reprimidos, excluídos e escravizados. Para todos eles, dende xa mesmo, hai un interlocutor a súa disposición. O futuro inmediato, que dende xa, todos xuntos témola posibilidade de traballar é a meirande oportunidade que se lle presenta a Galicia dende a transición.

Naquel tempo o traballo feito na clandestinidade en forma de partido político, foi a visibilidade da necesidade manifesta que existía durante o franquismo e posterior ruptura pactada da realización dun cocepto de liberdade que foi moldeado dende o cautiverio. Somos as xeneracións nadas ó abeiro da democracia as que temos a obriga e deber de acadala realización dese relato de liberación colectiva dos poderes ideolóxicos,económicos e fácticos que nalgún momento pensamos, eran cosustanciais a democracia.

Xurdiran atrancos, dificultades, retos apaixonantes. E so na colaboración e apoio na diversidade social e política, seremos capaces de debuxar un novo paso na historia e realidade galegas, que agora tócanos escribir a nós; os fillos dos que pelexaron contra os grises, os nenos que se fixeron maiores falando de democracia e represión, de sentimento e trascendencia, de realización humana perante o control da máquina.

É a sociedade a que lexitima unhas siglas, non as siglas as que caracterizan a sociedade. É un tempo onde as vontades individuais asumen co interese é colectivo dende cada diferente visión da realidade. Non se trata daquilo que nos diferencia, se non do que nos une. E ante nós, en plena ruptura de acordos e pactos sociais, ábrese a posibilidade de comandar xa non so un novo proxecto, se non a realización dos relatos soterrados durante 20 anos.

Xa non sobra ninguén, se non que todos somos imprescindíbeis, porque a pureza, a esencia e a fe, pertencen a formas de dominio, tutorización e control que xa non necesitamos. Porque agora, os novos tempos requiren novas estratexias de coquista daquilo que nos roubaron e sempre foi noso, a propia condición de ser humano en liberdade. E por ela imos pelexar dun ó outro recodo de Galicia/Galiza. @htejon

Héctor Tejón

Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

Texto

Nome

Imaxe

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

¡Non entendo o texto!: cambiar imaxe

Comentarios

12 comentarios

mansdodemo

As organizacións políticas, van esmorecendo pouco a pouco, e se axuntan máis co PODER estabelecido, cando deberían facer crítica sincera e equilibrada do que está acontecendo. A unha parte da cidadanía non lle interesa a política, nen quere afondar nela, mais si entende da honestidade e da limpeza desta, por iso, a importancia que ten o comportamento e o bo exemplo dos que están ao frente dos cargos políticos. Os representantes dos partidos, deberan ter TIRÓN auténtico, pois a nosa sociedade non é parva, e valora moi positivamente a testemuña destes na súa vida e no seu bo facer. O sentido ético é o máis importante para atraer a cidadanía.

1 resposta

Por mansdodemo: É o meu pensamento.

respóstalle

Bucle na espiral

E agora que algúns antibloque de Reganoxo son de EI e xa repetiron o golpe que xa deran có PCLN cando a Asemblea de Carballiño. Remataran agora do mesmo xeito, divididos (reintegracionistas/isolaconistas con odios de lustros). O único nexo é o BNG.

respóstalle

Artús

Os bEIras boy´s non representan nada, tan só un oportunismo político co epicentro nun egolatra para autosatisfación de pequenos burgueses desencantados porque o seu futuro está tan negro como o do resto da clase traballadora, clase traballadora que ate agora importoulles ben pouco a sua sorte. Unha amalgama pastiche postmodernista que abrangue posicións non só contradictorias senon incluso cos seus intereses confrontados que ten que estoupar tarde o temprano. É outra ferramenta sistémca mais para que a xente se entreteña e confie neste demencial sistema, que o que lle interesa e que non tires a baralla e segas a xogar nesta partida de cartas marcadas. Compre voltar a leer a Michel Chossudovsky e o seu Fabricando a Disidencia.

8 respostas

Por Bakunin: O de volver a ler a Michel Chossudovsky está moi ben pero, algo haberá que facer,digo eu, non?. Beiras polo menos fai unha proposta para CONSTRUIR algo novo, peri ti polo que se ve só ciriticas, como bo burgués que es. SAÚDE!!

Por Un vello galeguista: Artus, ti de quen veis sendo? Un capitalista que teme a organización das clases populares e dos colectivos da mocidade que veñen pegando forte? Ou eres un tipo especial que a todo lle pon pega con tal de tocalo carallo? Aclaranos dunha vez cal é a túa proposta para Galicia porque os que aquí escribimos témola, sabes? Esperamos.

Por Héctor: Estimados compañeiros, en primeiro lugar darvos as gracias polo tempo cedido pra lectura do artigo. A Artus, comprendo o que comentas e que esa poida ser a sensibilidade. Considero igualmente que a parte non explica ó todo. Coincido en que a clase traballadora non importou moito en tempos de proclamas ideoloxicas e de base teórica arcaica, por iso a demanda dun partido-fronte novo, enraizado nas prácticas sociais da cidadanía, alonxado dos "desmanes" da erótica do poder, cunha base ética forte, apegado a movementos e movilizacións, faise necesario. os persoeiros, so son iso, testemuñas privilexiadas dun tempo pasado que se reflicte no presente. Demoslle tempo ao tempo ¿non cres?.

Por Artus: Vamos ter os pes na terra, non imos facer ningunha alternativa que xire ao redor dun home canso que ten 76 anos e que ninca salientou pola sua capacidade de traballo, alternativa inviable que cando él falle que será ben cedo irase ao garete. Alternativa inviable xa non só por levar orgaizacións anticapitalistas coas defensoras do capitalismo, senon porque as suas 2 bases teóricas as socialdemócratas e as atermundistas son totalmente contrapostas, xa que mentaras os primeiros propoñen para sair da crise políticas desenrolistas de consumo e abrir e pechar zanxas os outros propoñen un mundo con consumos racionais, onde en un mundo onde esgotanse os recursos compren políticas de decrecemento e reparto mais xusto. Poderiamos aquí estar dialogando até as badaladas de fin de ano, de como as políticas neoliberais son regulacións de vivir moitos anos consumindo a créto i explotando a outros pobos.

Por anonimo: Artus : Os bEiras boy´s como te lle chamas, representarán o que a sociedade queira, e non o que ti queiras. (por moi lexitimado que te creas para "pontificar") Está ben que nos recomendes leituras, mas hai que ler a túa recomendación, e moitas cousas mais. A leitura variada sempre foi LIBERDADE. Saúde e Terra.

Por Artus: Hai moito tempo que sigo os movementos sociais e políticas altermundistas, basta con ver os documentos do Foro de Porto Alegre, son movementos de concenciación necesarios en todolos proxectos políticos, son movementos de concenciación onde nos alertan sobre un mundo onde se esagptan os recursos, de crise ecolóxica de cambeo climatico e de consumo responsable que non son alternativa son necesidade. Mais son políticas que deben ir en todolos proxectos políticos, pero non teñen capacidade de artellar proxectos políticos ao seu arredor, faltalles praxe política, propoñen o reparto xusto e consumo responsable superando o capitalismo, nada mais que non é pouco. Aquí estase a vender crecepelo e a xogar coa necesidade do pobo por escuros intereses egoistas. Pero si fai que oniricamente a xente se crea mais feliz pola táctica da avestruz, adiante.

Por Artus: anonimo, eu leo de todo, menos do que debera, pero dende filosofia ate economía, non pretendo decirlle a ninguén o que ten que facer, só tento a dialéctica como metodo de comprensión da realidade, a ninguen tampouco debe darlle medo que se debata as suas posturas ou polo menos non debe de ser, só é unha ferramenta mais de perfección. Eu leo dende economistas marxistas a capitalistas clasicos coma Smith ou Ricardo, dende keynesianos ou neokeynesianos ate liberais da escola de Austriaca ou neo liberais da escola de Chicago, dende a miña perpectiva de anticapitalismo porque o capitalismo´está superado e por sua dinamica expansiva inviable tento vencelo coñecendóo.

Por Colebra: Non sigas por Deus vai parando home, pois como te cultives tanto inda has botar xermolos..!

respóstalle

Crear usuario Acceder

Últimas de Héctor Tejón

Héctor Tejón

Héctor Tejón Sáez, nado na Coruña en 1981. É licenciado e doutorando en Socioloxía pola universidade da coruña. Desenrolou gran parte da súa carreira profesional coma investigador social e docente na facultade de socioloxía da Coruña. É co-autor do libro "La Siniestrabilidad Vial:Un problema desconocido" e artigos en diversas publicacións electrónicas. Actualmente atópase realizando a tese doutoral: " A construcción da identidade posmoderna a través do consumo de cine de masas do século XXI"

Últimas novas

Xurxo Ayán

Xesús Veiga