O PP apoia as negociacións co BNG en Muros

Conservadores e nacionalistas desta vila negocian botar ao PSOE, o partido máis votado, do Concello. O goberno nacionalista na veciña Carnota podería estar en perigo pola posíbel moción en Muros.

Por Galicia Confidencial | Muros | 20/03/2012

  • menéame
  • Chuzar
  • Do Melhor
  • Cabozo
  • del.icio.us

Carlos Negreira, alcalde da Coruña e líder do PP na provincia, confirmou as negociacións cos nacionalistas para botar ao PSdeG da alcaldía de Muros. Asemade que deixa aberta a posibilidade dunha moción de censura común, insiste en que o PP sempre aposta porque goberne a lista máis votada. Iso si, introduce algúns matices.

"Seguimos a manter como principio xeral que deben gobernan as listas que obteñan maioría de votos aínda que despois da investidura pode haber excepcións cando estean moi, moi xustificadas", indicou Carlos Negreira esta fin de semana.

O líder do PP coruñés argumenta que o pacto é posíbel, pero que cómpre en todo caso a luz verde da Executiva que el dirixe. "O PP nunca se pecha a dialogar ou negociacións sobre calquera tema. O noso lema non é o pacto do Tinell de excluír a ninguén. O PP municipal ten autorización para dialogar con calquera forza política" declara o político coruñés.

Na beira do Bloque, o aparato da forza política ve con peores ollos a posíbel moción. Tanto a nivel comarcal como a nivel galego a mensaxe é clara, evitar que o PP consiga máis poder nos municipios. Os concelleiros de Muros xa iniciaron contactos cos seus superiores na fronte, pero polo de agora non se albisca outra alternativa para eles que ser expulsados se asinan a moción. Os edís son membros de Máis Galiza, unha das correntes que apostou por marchar do Bloque. Con todo, estes concelleiros forma parte da minoría da Máis Galiza que sigue na fronte coa intención de cambiala dende dentro.

Ademais, o que pase en Muros pode ter consecuencias no municipio veciño de Carnota, onde o BNG goberna grazas ao apoio do PSOE. Fontes socialistas da comarca citadas pola Voz advirten que se os nacionalistas tumban o goberno de Muros o PSdeG podería deixar caer o do BNG na veciña Carnota.

A TÚA ACHEGA FAI QUE GC POIDA PUBLICAR NOVAS COMA ESTA. SÓ DEPENDEMOS DE TI.

¿Gustouche esta nova?
Colabora para que sexan moitas mais enviando un SMS coa palabra GC ao 25511



Comenta

Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións). Agradecemos a túa colaboración.

¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe






¿Que caracteres alfanuméricos hai na imaxe? descarta espazos e signos

Exemplo: para C*8 Km@ introducir c8km.

captcha

¡Non entendo o texto!: cambiar imaxe


Comentarios

20 comentarios
9

saña

Despois de limpar bastante, pareceme que ainda queda borralla en algunha esquina.


8

DANTON

GALICIA CONFIDENCIAL CONTINÚA A CAMPAÑA ANTI BNG: SE O PP TEN NOVOS AMIGOS NOS PERDEDORES DA ASEMBLEA DO BNG A CULPA É DE ROSALÍA DE CASTRO, ROSA LUXEMBURGO E -COMO NON?- DE PACO RODRÍGUEZ.

1 resposta
1

Por XIGANTEDOPAIS: Dantón, non hai campaña ningunha, todos os medios que falan de política neste país falan deste asunto, porque é noticia, se non o fose ti non estarías lendo isto nin comentado máis arriba. A culpa non é de ninguén, é un feito, pode haber moción de censura, haberá que contalo, non?


7

Muros

Parabens a:Joam Manuel Bazarra Agulha,Francisco Rodrigues Sanches(o que comparte com o seu tocaio e vecinho tanto...),Martinho Santos Canosa(este si nom esta no caso Dorribo é porque nom puido....)Francisco Jorquera Caselas e o duo conhecido popularmente em Muros como "os maestritos":Manuel Garcia Sendom e José Ramom Farinós(um duo de caciques pijo-progres e integrantes profesionais...).Estes som os principais responsaveis polos fatos do pasado de todo o que pasa e pasará em Muros,esta mui bem que o seu nome se resalte....


6

Artus

Hoxe veñen unhas declaracións de Beiras no Galicia hoxe a proposito dos seus contactos con +G, que son para enmarcar. Ten o cinismo de falar de que están construindo pola base, para logo facer un canto ó derrotismo. Fala de que seus movementos foron mais que nada por cuestións persoais. Dí que ninguén que os apoie se espere nada, porque todo está viciado. Que está 2º vía (Beiras sempre innovando xa non hai 3º via) non leva a ningures. Un vai cansó de populistas, de vendedores de crecepelo, de Beiras que fan cantos a keynesianismos que salvaron o mundo da gran depresión, cando non temos un Teneessee Valley, nin unha maquina de facer cartos, nin unha 2º guerra Mundial, nin un exercito que poda roubar os recursos naturais doutros pobos coma os ianquís. Coincido con Beiras que nos acercamos ó fascismo coma nos 30, pero non nan suas revoltas civís virtuais.


5

Unto

Bautista onde está o cloroooooooooo.


4

Problemas

BNG-UPG, atención: Problemas, Problemaaassss!!!! Cee, y ahora se os va Muros, y los de PNG, Beiras...buffff PROBLEMAS.


3

Marcos Valcarcel

Tan mal está a busca de candidatos nos povos? Algúns pensan que por estar no BNG xa non és un pailán. É como o que pensa que porche gustar Sabina xa es "guay". Un pailán é un pailán sexa do partido que sexa.

10 respostas
1

Por Marcos Valcarcel: No PP non tenhen estes problemas. Ou do birrete ou da boina calada ata as orelhas.

2

Por Larchán: Insultante, menospreciador, políticamente incorrecto o teu comentario, mais....totalmente certo. Polo feito de militar no nacionalismo non tes porque ser mais evolucionado. Sen dubida axuda a evolucionarte, pero por si só, non evolucionas ren.

3

Por lemés: Podemos ir máis alá: hai moito carguiño no BNG que moi ben podería ser do PP. Recoñezamos a sociedade e os políticos que temos se de verdade queremos mudar algo. En Portomarín o cabeza de lista polo BNG por VARIAS lexislaturas é hoxe alcalde polo PP. Evolución ou xa era así? Os que o coñecemos non temos dúbida, nada nos sorprende. Está máis perto un militante da UPG a un do PP que a un de Causa Galiza, logo imos sabendo como o poder é a prioridade. Levar un GZ no carro xa non é garantía de nada, igual que o Che, quedou en folclore barato... (pois vendéronnos barato demais).

4

Por Marcos Valcarcel: Larchán e Lemes. Estas desercións non son nacionalistas. Son desercións da posguerra, na que está inmersa a UPG e moitas máis siglas e correntes. Chegaron outras xeracións que xa non pertencen á posguerra coma mín e outros máis. Alédome moito de que esto esté a pasar. E creo que o que non vaia por este caminho estará condenado a trabucarse.

5

Por Marcos Valcarcel: Cada vez que escoito o verso " a gaita non ríe que chora" ou algo así reméxeseme o fígado. Estou de poetas de posguerra ata o mismísimo. Con todos os meus respetos a Rosalía.

6

Por Larchán: Lemés, abonda xa de trollear. Xa, que agora os do teu bando son os puros e ultraortodoxos. Qué queres que che diga, nonos considero a éles menos pailans que os que pensan coma ti. Marcos, qué guerra? eu soio coñezo unha guerra, e a mesma que os galegos estamos a perder un día si e outro tamén. Non me veñas con postmodernismos, nin de descubridor de novos mundos paralelos, que todo está inventado.

7

Por Marcos Valcarcel: Caralho larchán que cambios de personalidade tes! De súpeto vénhenche as hormonas e lanzas feromonas a to quisque. A posguerra é un periodo gris de mentes grises (que remedio) pero non se pode estar permanentemente na posguerra. E, por desgraza, moita xente que milita no nacionalismo é posguerra. Non se trata de que sexan de máis esquerdas ou máis dereitas. Trátase de que se é da posguerra ou non. Sen ir máis lonxe, sen determe moito en analizar a estes pailáns de Muros, direi que eles tamén forman parte da posguerra. Pero o curioso é que eles non se decatan. Porque son posguerra pura e dura.

8

Por lemés: E dime, Larchán, quen son os do meu bando? A pureza da que falas onde está? Cal é o grande problema bélico que teñen os galegos e que non sofren os casteláns ou os andaluces? En realidade non estarás molesto por comparar o PP co BNG, por colocar o poder como a meta dos uns e os outros..., por que despertamos os pailáns e xa non cremos nos contos do político de turno?

9

Por Marcos Valcarcel: Hai unha cousa que creo non dades entendido a maioría da xente. Eu podo concordar nalgunhas cousas co PNG, sentirme ben con eles e ao mesmo tempo ir ás manifestacións de axuda aos presos. Pero estamos na Galiza. Onde só pode estar nestas manifestacións xente, ou de Causa Galiza, Ceivar ou NÓS-UP. Por eso digo que hai moita xente que non é de esquerdas nin de dereitas. É da posguerra. Tenhen unha mentalidade atrasada, gris, reaccionaria aínda que se declaren que son marxistas-leninistas ou altermundistas. O que creo que son é xente de posguerra.

10

Por Marcos Valcarcel: E outra cousa recurrente. Fálase a cotío de que o arco nacionalista está atomizado por diferentes correntes, etc. Eu creo que o discurso está errado. O que está atomizado é a mentalidade de posguerra. Todos poderiamos estar onde quixeramos. Pero sendo honestos, podes ir a unha manifestación de CEIVAR e militar no PNG. Pero non, si vas a unha manifa de CEIVAR tes que ser dun partido radical. Esa é a verdaeira atomización do arco nacionalista. A guerra que hai entre xente de posguerra e as novas xeracións. Ou non imos todos xuntos á greve do 29 de marzo?


2

Raposo

Os do Bloque de Muros son uns pinpíns. Xa o di o refran, can ladrador... Non van a ningures. Vannos votar do partido, non por pactar co PP, senón por paxocos.


1

Black Crow

No está mal la maniobra, nos hacemos con Muros y Carnota y solo tenemos que aguantar a estos muertos de hambre durante un par de años. A ver si hay suerte en Teo también y dejan caer a Martinito. Tenemos que aprovecharnos de esta empanada mental interna que hay en el BNG porque me pinta que va a durar poco.