O equipo lucense vence 0-1 en Alcorcón cun gol de Ignasi Miquel no tempo engadido e suma 19 puntos, empatado co líder Osasuna. "Esta vitoria é para Galicia e para todos os guerreiros que axudaron na extinción do lume", foi a dedicatoria do club no seu twitter.
O Celta acada unha contundente vitoria por 2-5 nas Palmas e os xogadores celestes, que saltaron ao céspede cunha camisola co lema ‘Dor e rabia’, adican o triunfo a todos os galegos que sofren a vaga de lumes e loitan contra eles.
O Cafés Candelas lucense vence 73-86 a Lleida tras sentenciar o choque no último cuarto cun parcial de 0-13, sendo decisivas dúas triplas consecutivas de Sergi Quintela. Aprazado o derbi COB-Básquet Coruña pola rotura dunha canastra.
O Dépor suma un punto en Ipurua nun partido sen apenas historia no que o máis destacado foi o debut do meta nixeriano con tan só 18 anos. Francis Uzoho é o cuarto porteiro aliñado por Pepe Mel en tan só oito xornadas de Liga.
O triatleta galego, cun tempo de 8h:24:53, quedou a un chanzo do top-ten no Campionato Mundial Ironman malia remontar catorce postos no maratón final. Venceu o alemán Patrick Lange, cun novo récord da proba (8h:01:40).
O galego Iván Raña disputa hoxe en Hawai (18.35 hora galega) o seu quinto Campionato do Mundo Ironman, no que aspira a repetir o sexto posto do seu debut no 2013.
O equipo lucense vence 2-0 o Córdoba con goles de Campillo e do debutante Mario Barco nos últimos dez minutos e acada a quinta vitoria na Liga en nove xornadas. O vindeiro luns, visita a Alcorcón en postos de play-offs de ascenso.
O Cafés Candelas lucense vence 85-63 a CB Prat e segue invicto tras dúas xornadas. Leyma Coruña perdeu na casa 71-76 con Oviedo e Río Ourense Termal encaixou a terceira derrota 89-80 contra Sammic Hostelería.
O triatleta de Dodro proclámase campión do circuíto europeo, coma no 2015, tras ser bronce na final en Melilla, axudado polo abandono do portugués Joao Pereira. Inés Santiago, undécima na proba feminina.
O Lugo, tras catro vitorias consecutivas, cae 2-0 co Granada nun partido no que apenas creou ocasións de perigo. O equipo lucense, oitavo con 13 puntos, recibe o xoves (16.00 horas) o Córdoba no Anxo Carro.
O equipo compostelán gaña 77-68 ao Joventut e suma a segunda vitoria, as dúas en Sar, entres xornadas. Pustovyi, MVP do choque con 17 puntos e 7 rebotes. O vindeiro domingo, visita ao Barça.
O Básquet Coruña vence 76-68 a Araberri na súa estrea en Riazor, con 22 puntos de Jonathan Gilling. Reacción tardía do COB, que caeu 70-72 co CB Clavijo. O martes, nova xornada: Leyma-Oviedo e Sammic Hosteleria-Ourense.
O equipo compostelán cae 80-67 co Valencia tras encaixar, con 61-59 no marcador, un parcial de 10-0 e despois de que Matt Thomas errase unha tripla para poñerse por diante. O vindeiro sábado, a Penya en Sar.
O equipo lucense vence 1-0 o Tenerife cun gol de Fede Vico de penalti e suma por primeira vez en Segunda División catro vitorias consecutivas. O equipo de Francisco xa é terceiro con 13 puntos, e o vindeiro domingo visita o Granada.
O triatleta de Dodro vence na proba da Copa do Mundo de Weihai, onde o vigués Antonio Serrat, terceiro, tamén subiu ao podio. A ferrolá Camila Alonso, 15ª en categoría feminina.
O Obradoiro arrinca unha nova campaña na ACB, a sétima consecutiva, cun triunfo por 80-74 contra Zaragoza tras remontar no último cuarto cun parcial de 24-13. Matt Thomas, o MVP con 21 puntos e catro triplas.
O Cafés Candelas lucense, con 13 triplas e case un 50% de acerto, vence 83-71 no Pazo a Río Ourense Termal e suma a primeira vitoria no arrinque da LEB Ouro.
O Dépor, no seu mellor partido da Liga, vence 2-1 o Xetafe con goles de Lucas Pérez e Florin Andone na última media hora de partido. Os de Pepe Mel suman 7 puntos trala segunda vitoria consecutiva en Riazor.
O Celta deixa escapar dous puntos na casa tras encaixar o 3-3 do Girona de novo a cinco minutos do final, como contra a Real Sociedade e o Xetafe. Os de Juan Carlos Unzué suman 8 puntos en sete xornadas antes do parón de seleccións.
A Policía Nacional asegurou nun comunicado que os detidos forman parte do grupo Ouligans, que se definen como seguidores do club.
O equipo lucense gaña 1-2 ao Barça B tras remontar cun gol de Iriome no minuto 90, suma a terceira vitoria consecutiva e pega un salto na clasificación, sétimo con 10 puntos. O vindeiro domingo, o Tenerife no Anxo Carro.
Os celestes, con tres tantos a balón parado no primeiro tempo, gañan 0-4 en Ipurua e suman a segunda vitoria da Liga, a primeira lonxe de Balaídos. Reapareceu Guidetti trala súa lesión. O venres, o Girona en Balaídos.
O Obradoiro vence 75-71 a Breogán na final da Copa Galicia en Marín tras remontar no último cuarto cun parcial de 26-14 e suma o oitavo título consecutivo. O Uni Ferrol venceu en Esteiro 63-42 a Celta Zorka e suma a quinta copa seguida.
O equipo deportivista, que xa perdía 2-0 no minuto 23 e de novo con moitos erros en defensa, encaixa unha avultada derrota por 4-1 co Espanyol. Os de Pepe Mel, con tan só catro puntos, unha xornada máis en postos de descenso.