Ourense gaña 78-86 a Marín grazas a un parcial de 2-15 nos minutos decisivos do último cuarto. Os ourensáns suman a 14ª vitoria na súa loita por entrar no play-off e o Peixe Galego mantense fóra do descenso polo mellor basket-average co Magia Huesca.
O Cafés Candelas vence 104-107 a Oviedo tras dúas prórrogas e volve aspirar á primeira praza, a unha vitoria se gaña o partido aprazado. Josep Franch, con 29 puntos, e Matt Stainbrook, con 19 e 14 rebotes, lideraron os lucenses.
O equipo deportivista cae 0-1 co Alavés, que marcou de penalti no segundo tempo, e suma a terceira derrota consecutiva e seis xornadas sen gañar. "Estou nunha situación difícil", asume Garitano, que podería xogarse o posto o vindeiro sábado en Leganés.
Un precipitado Básquet Coruña perde 62-71 co CB Clavijo, coa peor marca de anotación deste curso en Riazor. Debutou Justin Johnson, substituto de Dago Peña. Este sábado, Oviedo-Breogán e derbi Marín-COB na Raña.
O equipo de Luis César deixa escapar a ocasión de voltar a postos de play-off tras caer 1-2 co Elx. Os lucenses concederon dous goles nos primeiros 25 minutos e foron incapaces de empatar malia as ocasións do segundo tempo.
Concello e CD Lugo traballan xuntos para sacar adiante un proxecto de instalacións deportivas nas Gándaras, que contaría con entre 5 e 7 campos de fútbol e necesitaría un investimento de entre 6 e 8 millóns de euros.
O equipo celeste, sen acerto nos metros finais, cae 0-1 co Shakhtar Donetsk en Balaídos e está obrigado a remontar dentro de sete días en Kharkiv, onde non poderá contar con Radoja. Este domingo, Osasuna visita Vigo na Liga.
O equipo burelao perde 6-2 co Barça no Palau, suma a décima derrota consecutiva e está a tan só un punto do descenso tralo empate de Levante en Palma. O sábado, con Xaén en Vista Alegre.
O Celta busca ante o Shakhtar Donetsk un resultado que o achegue aos oitavos de final da Europa League e tomar o desquite da eliminación da Copa e da derrota no Calderón. “Somos capaces de gañarlle a calquera”, asegura o Toto Berizzo.
Os composteláns chegaron a estar 4-1 pero gañaron na recta final grazas a un gol de Catela de falta tras empatar Zaragoza. Os de Santi Valladares suman xa 25 puntos, once por riba do descenso e a tan só tres do play-off.
"Creouse unha polémica absurda e non vou contribuír a alimentala", di sobre o tuit do presentador de El Chiringuito, de La Sexta, no que se mofaba do alcalde vigués tras a derrota do Celta co Alavés.
O decano do fútbol gaélico en Galicia vence 22-19 no clásico contra Irmandinhos da Estrada, suma a quinta vitoria en cinco partidos e achégase o seu primeiro título de Liga trala derrota de Estrela Vermelha con Herdeiros de Dhais.
O compostelán Borja Golán, que non cedeu nin un só xogo en toda a competición, repite como campión de España tras vencer 11-5, 11-3 e 11-2 a Iker Pajares e suma o seu 15º título en 16 anos. A viguesa Xisela Aranda, subcampioa en categoría feminina.
O equipo celeste estraga en dous minutos o traballo de todo o partido e deixase remontar con dous goles do Atleti na recta final do encontro para acabar perdendo 3-2. O xoves, ida da Europa League co Shaktar Donestk.
Mickey McConnell erra o último lanzamento e o Obradoiro cae 87-86 co Baskonia en Gasteiz. O equipo compostelán remontou dez puntos no último cuarto e chegou a poñerse por diante, pero Beaubois anotou a canastra decisiva a 13 segundos do final. Espectacular Shayne Whittington, con 26 puntos e 3 triplas.
Ourense Provincia Termal vence 81-71 nun novo derbi galego na LEB Ouro, coa mellor entrada do ano no Paco Paz. Christian Díaz, MVP con 17 puntos, 5 rebotes e 5 asistencias. A vindeira semana, Marín-COB e Leyma-CB Clavijo.
O equipo deportivista adiántase en San Mamés cun golazo de Emre Çolak pero acaba caendo tras encaixar dous goles do Athletic nos últimos vinte minutos. Os de Gaizka Garitano suman cinco xornadas sen gañar e once a domicilio sen vitorias.
A atleta canguesa gaña o Gran Premio Cidade de Valencia cun tempo de 4:13.54 e acada a marca mínima para estar nos vindeiros Campionatos de Europa de atletismo de Belgrado, aos que tamén acudirá a ribeirense Ana Peleteiro en triplo salto.
Un gol do Sevilla Atlético no tempo engadido, tralo golazo de Ignasi Miquel, impediu a vitoria do equipo lucense no Sánchez Pizjuán. O Lugo suma 36 puntos e tres xornadas sen perder. O vindeiro venres, no Anxo Carro co Elxe.
O Cafés Candelas gaña 65-86 con claridade na súa visita a Huesca e suma a 14ª vitoria tras dúas derrotas. Matt Stainbrook, MVP do partido con 18 puntos, 9 rebotes e 4 asistencias. A vindeira semana, visita a Oviedo.
A Audiencia Nacional ratifica a sanción de 60.000 euros a un home que celebrou en Twitter a morte de Jimmy, seareiro do Deportivo que recibiu unha malleira do Frente Atlético en novembro do 2014. “Un hijo de puta que no la liará otra vez”, escribiu.
O Star Center ferrolán estrease hoxe en Girona (18.45 horas) nunha fase final da Copa contra o tamén debutante Lacturale Araski vitoriano coa ambición e máxima ilusión por estar nas semifinais do sábado, onde agarda o anfitrión, Spar Citylift Girona. A base Ana Suárez, baixa nas de Lino López.
O Celta perde 1-0 co Alavés cun gol encaixado no minuto 82 e cae eliminado nas semifinais de Copa por segundo ano consecutivo. "Pasáronnos por riba", recoñeceu Jonny. O domingo, Liga co Atleti no Calderón.
O Celta, acompañado por 700 seareiros, busca esta noite en Mendizorrotza a clasificación para a cuarta final de Copa da súa historia tralo 0-0 de Balaídos. "O soño de alcanzar unha final é o noso combustible", resume o Toto Berizzo, que disporá do seu once de gala.