Coche a dúas rodas nunha curva en Ourense

GC TV - 13 Outubro 2014

O Rallye de Ourense é unha das competicións automobilísticas máis espectaculares do país. Nesta última edición houbo intres de perigo e mostras dunha condución non apta para espectadores con problemas cardiacos, como esta trazada a dúas rodas de Óscar Barroso.

Protestas dos traballadores da Xustiza

GC TV - 04 Outubro 2014

Persoal da administración de Xustiza concentrábase na mañá deste venres diante do TSXG para rexeitar desmantelamento dos servizos da xustiza, a modificacións de estruturas, as privatizacións, os recortes de persoal ou a rebaixa das condicións laborais e económicas dos traballadores e traballadoras do sector.

Unha galega entre "Gorilas na néboa"

GC TV - 17 Setembro 2014

A veterinaria ferrolá Rebeca Atencia dirixe o Instituto Jane Goodall Congo e o Centro de Rehabilitación de Chimpancés do IJG. Neste vídeo procede a solta dunha femia canda a famosa primatóloga Jane Goodal.

Vídeo dos apupos a Merkel e Rajoy a súa chegada a Santiago

GC TV - 25 Agosto 2014

División de opinións este domingo na chegada de Mariano Rajoy e Angela Merkel ao Obradoiro tras facer varios quilómetros do Camiño de Santiago. Cidadáns e peregrinos lanzaron máis increpacións que aplausos, que tamén os houbo, aos políticos conservadores.

Oso pardo ataca colmea nun vídeo no Courel

GC TV - 12 Agosto 2014

O retorno do oso pardo ás montañas de Galicia era unha realidade da que xa se tiñan algunhas probas, pero non unhas imaxes de vídeo tan evidentes e con tanta acción.