Polo menos temos saúde... ou tampouco?

Sovaldi (sofosbuvir) é o nome do medicamento que tanto está custando que os enfermos de hepatite C consigan para poder curarse, e que será administrado ao 0,6% dos afectados no noso país. Que son máis importantes, os enfermos (é dicir, as persoas), ou os cartos? Non podemos financiar o medicamento pero, que outras cousas si podemos facer? Onde están as prioridades do Goberno? Cada cuestión lévanos a outra para finalmente chegar á mesma conclusión de sempre: non atinan nin por casualidade.

A alternativa verde é EQUO

Trala celebración da Segunda Asemblea Federal e a conseguinte renovación de co-voceiras, Comisión Executiva Federal e tesourería, o partido EQUO sae reforzado e cunha visión máis clara e ambiciosa. Cabe destacar, neste contexto, o apoio amosado por diversos colectivos, socios de coalición e membros doutros partidos.

Unha xestión que mata

A crise do ébola evidencia as deficiencias do Partido Popular cando se enfronta a un problema destas características (tralo Prestige, o metro de Valencia…), botando a culpa dunha xestión ineficiente, arriscada, prepotente e, en definitiva, pésima, sempre á parte máis débil. Ana Mato, a ministra de sanidade dos miles de euros en confeti, négase a dimitir e deixar o seu inexistente liderado da crise a unha persoa, cando menos, cun mínimo de capacitación. No 2009, ela reclamou a Carme Chacón a súa dimisión por “non dar suficientes explicacións” nuns contaxios de Gripe A nunha academia militar.

Sen compromiso medioambiental

A política española (e en xeral España) amosa unha tremenda despreocupación polo medio ambiente, claro síntoma do descoñecemento da interrelación entre crise ecolóxica, social, económica e política. Apenas mil persoas se reuniron na concentración de Madrid contra o Cambio Climático o domingo 21, a máis numerosa no noso país, e o máis preocupante é que só un partido se decidiu a liderala e acudiu xunto con outras organizacións como Avaaz ou Greenpeace. Ese partido foi EQUO.

Touradas non, grazas

EQUO e Rede EQUO Xove manifestamos o máis profundo rexeitamento das touradas, onde o maltrato animal pretende ser fonte de lecer diversión, e apoiamos aos colectivos, plataformas e iniciativas que pretenden dar “carpetazo” a esta práctica en Galicia. A loita contra as touradas na nosa comunidade goza, afortunadamente, de boa saúde, sobre todo na Coruña e en Pontevedra.

Unha Galicia da cidadanía

Os movementos e correntes cidadás que pretenden devolver Barcelona (Guanyem), Madrid (Municipalia), Málaga (Ganemos Málaga), A Coruña (Marea Atlántica)… aos seus habitantes son cada vez máis, e están comezando a organizarse de cara a conformar unha posible candidatura para os comicios municipais que se aproximan. Por que esta motivación? Perdeu todo o crédito a política actual, lastrada pola actuación dun bipartidismo case atroz? Quizais si sexa agora o momento do cambio. Obras, obras e máis obras, máis de 50000 parados, desafiuzamentos, un gasto en touradas que a meirande parte da cidadanía rexeita, multas a cidadáns que rebuscan entre o lixo mentres que os políticos corruptos seguen nos seus cargos sen un chisco de vergoña… Parece que a cidade da Coruña ten motivos máis que suficientes para tratar de conformar unha alternativa nova, aberta e, sobre todo, que se afaste da política tradicional e derrube os muros construídos arredor da actividade política.

A necesidade do orgullo LGTBI

En máis de 70 países, a homosexualidade continúa a ser perseguida, e en 8 castigada incluso coa pena de morte. Por outro lado, a transexualidade continúa a ser considerada como unha patoloxía en moitos países, e entre eles, algúns dos considerados “máis avanzados”. España destaca en materia de dereitos do colectivo LGTBI, un dos poucos piares dignos de admirar da “marca España”.

Tamén hai xuventude verde

Achégase o verán, aínda que algúns viven nun inverno continuado (polo menos a nivel político). Aqueles partidos que propoñemos alternativas traballadas e sólidas para sacar a Europa, España e as diversas autonomías e municipios do seu letargo debemos estar, por tanto, moi orgullosos, pois os cidadáns deron un golpe sobre a mesa. Conseguiremos estar á altura, traballar seria e xustamente estas novas responsabilidades e facer en consecuencia que os cidadáns confíen cada vez máis en nós? Capacidade temos, dende logo.