Artigos de Mar Barcón

Loitar polo municipalismo

O vindeiro 3 de abril fará 34 anos das primeiras eleccións municipais da democracia. Aquela data marcou un antes e un despois para pobos, vilas e cidades que ían vivir as tres décadas de maior progreso e transformación da súa historia, pero tamén foi un dos momentos máis relevantes para os socialistas que dende os concellos levamos a cabo boa parte do noso ideario. Servizos sociais, medio ambiente, cultura, educación, transporte, vivenda, etc. o municipalismo foi un marco privilexiado onde recrear as políticas de xustiza e cohesión social e converteuse na primeira barreira fronte á exclusión e á desigualdade.

Defender Santa Bárbara

Comezaba o século XXI e en plena burbulla inmobiliaria, financeira e demográfica España entregábase ao credo das privatizacións que os profetas do liberalismo económico exhibían se pudor. Un Aznar pletórico aseguraba que o paraíso económico esperábanos en canto o mercado fixésese cargo da cousa pública e que a xestión privada enchería de luces de cores nosas escuras e aburridas vidas socialdemócratas.. Sanidade, telecomunicacións, infraestruturas, transportes e até a industria armamentística, sector estratéxico non só para a Defensa do país, senón para a elaboración de produtos de elevado valor tecnolóxico.

Primarias

Pachi Vázquez anunciou, o pasado domingo, nunha entrevista radiofónica que o PSdeG será pioneiro na elección da Secretaría Xeral ao substituír a tradicional fórmula de delegados polo modelo de Primarias e que a renovación se levará a cabo antes do próximo verán e, por tanto, antes da Conferencia Política do PSOE prevista para outubro.

18 deputados

Cando o 27 de agosto Núñez Feijoo convocou eleccións anticipadas, unha parte do PSdeG demostrou abertamente o seu xúbilo. A data electoral apartaba definitivamente a posibilidade de Primarias; Pachi Vázquez sería candidato sen oposición algunha -salvo o simbólico intento de Angel Burgos- e, entre o descrédito de Rajoy e o outono "quente" que preparaban os sindicatos, as posibilidades de gobernar Galicia parecían certas.

Viva a Pepa!

Cando aínda resoan os ecos da conmemoración cívica e política que en Cádiz rendeu homenaxe á Constitución Liberal de 1812, non podemos máis que lembrar o importante papel que a nosa cidade xogou naquel breve pero intenso período do XIX cando o alento do liberalismo logrou abrirse paso e enfrontarse á laxa absolutista.

Expolio emocional

Neste mundo da globalización, cidades con necesidades e aspiracións homologables, pugnan por atopar o seu lugar e o seu sentido propio. Nun tempo en que todo é susceptible de ser catalogado e almacenado nun arquivo cuberto de po gris, algúns lugares buscan tenazmente diferenciarse para marcar a súa propia axenda e deseñar un camiño que lle sexa máis propicio. Nesta época, o risco é que na onda da crise e a austeridade mal entendida, sucumban ideas capaces de facer progresar a unha colectividade humana, baixo o espeso manto da indiferenza.

E, onde íamos estar?

Desde que o "cóctel bomba" -crise+desafección+comunicación- ao que o sábado se referiu nun magnífico artigo Fermín Bouza, estalou sobre o PSOE a noite do 20 N, militantes e dirixentes dedicámonos con aplicación á tarefa de diagnóstico e renovación que debe concluír nos procesos orgánicos que se inician o próximo mes de febreiro.

Morrer na rúa

"O PP esixe aos Servizos Sociais municipais que se fagan cargo de Julius". Este titular adornou con certa frecuencia as portadas da información local entre o verán de 2010 e o día das eleccións municipais.