Carta de Critias a Terámenes (III)

Amigo Terámenes, cando che entreguen este despacho, acompañará aos meus criados un home chamado Efialtes. É dirixente dunha poderosa facción política, un dos principais destas terras. Trátao con ostentación, dálle viño, praceres e moedas de cobre. Nada de prata nin ouro. Co indicado Efialtes terá a ilusión ser Distinguido. Como máximo regálalle un cabalo e dálle a opción para que poida decidir o sexo do animal. Así é como nestas terras os oligarcas tratan aos seus cargos. Escoitar a Efialtes sobre a arte de manipular.

Carta de Critias a Terámenes (II)

Estimado amigo. Envíoche compilacións coas constitucións que teñen nestas terras. Atendendo ao pensar de Aristocles (aquí coñéceno polas súas anchas costas e chámanlle “Platón”), os asuntos transcendentales están polo pronto en mans do pobo pouco formado e fácil de sugestionar.

Carta de Critias a Terámenes (Extracto)

Xa preparan o próximo sorteo aínda que eles utilizan a expresión “sufraxio”. O último sorteo deixou os afeitos premios con poucas mudanzas e a refrega afeita.

Sobre as regularidades da política e a súa linguaxe

A expresión “faga como eu, non se meta en política” segue viva na “opinión pública” inducida pola “opinión publicada”. Talvez o malestar dos cidadáns coa clase dirixente do réxime é considerable como consecuencia dos problemas que esa mesma clase crea.

Historias do avó

E cando morreu o ditador, dixéronnos que eramos libres. Que tiñamos dereitos e liberdades. Dixéronnos que se terminou a ditadura, que a partir dese momento a Soberanía residía no Pobo. Recoñecéronse dereitos nunha Constitución. Xa podiamos manifestarnos, os traballadores tiñan dereito á folga. Había liberdade de expresión, e mesmo dicían de pensamento, coma se antes non pensásemos! Tamén nos prometeron que o goberno sería o representante do Pobo.

Reclamacións de Xustiza

O 30 de marzo de 2022, hai un ano, na reunión da Comisión Mixta de Xustiza, Xunta-Estado, que encabezaba o presidente do Tribunal Superior de Xustiza de Galicia, José María Gómez y Díaz-Castroverde, e o vicepresidente primeiro da Xunta, Alfonso Rueda, solicitaban ou reclamaban a creación de sete novos xulgados en Galicia.

Un burro de bronce revolcándose en lodo

O dia 20 de febreiro a Deputacion de Pontevedra inaugurou, asi chamárono, unha figura consistente nun burro de broce que se revolca nun charco de lama.

Sobre a autoría da precarización dos servizos públicos

Os Letrados da Administración de Xustiza están a exercitar o seu dereito á folga. Exercitan un dereito constitucional para eles moi gravoso, mais é o último recurso que queda ante o incumprimento do acordado polo goberno. Corresponde ao Ministerio de Xustiza garantir que a Xustiza teña os medios necesarios para realizar o seu traballo, así como responder do servizo en interese dos cidadáns.