O cidadán Omar Faruk naceu fai 23 anos en Lagos (Nixeria), no seo dunha familia adiñeirada, e cursou estudos universitarios en Londres de Enxeñería mecánica. Foi alí onde foi chamado por Alà e correu ao Iemen, de onde era orixinaria a súa nai e segundo di a policía estadounidense pretendeu converterse en mártir da causa de Al Qaeda.
O pasado venres tomou un avión dirección Detroit e como todos sabemos, levaba consigo un poderoso explosivo mal situado na zona máis íntima do seu corpo, que pretendeu facer estoupar e que encendió de novo o pánico xeral. Dous días máis tarde, outro pasaxeiro na mesma liña, antes de chegar a Detroit, encerrouse no lavabo do avión, ameazando con estoupalo; aterrou nunha zona apartada e o viaxeiro foi detido.
Estas situacións desvelan un clamoroso fallo de descoordinación da Administración Obama que encendeu as alarmas e os ánimos dos norteamericanos. Os datos apuntan que os servizos de intelixencia tiñan información suficiente para evitar que o terrorista embarcase no avión co explosivo suficiente para rebentalo. O erro é de tal proporción que ata Obama visiblemente irritado cualificouno como “inaceptable”.
O longo dos anos, no noso país houbo exemplos lamentables de descoordinación nun tema tan grave como o terrorismo, e non sempre admitidos polo Goberno de turno. Obama, pola contra, non tivo inconveniente para recoñecer a desastrosa actuación dos seus subordinados, que é o primeiro paso para tratar de evitar a súa repetición no futuro.
Por iso, sabemos todos os españois que a unidade é imprescindible para erradicar o terrorismo, pero esa unidade só é posible se quen dirixe actúa con lealdade e transparencia