Artigos de Mariña Pérez

I´m him

Falemos de identificacións, de referentes e de iconas culturais. Ás veces creo comprender os dobres de Hemingway. Supoño que hai que ser ben apaixonado para saír á rúa da Estafeta vestido de rigoroso branco e co pano vermello ao pescozo para observar os mozos caendo ao chan na súa carreira desesperada.

A catro columnas

Porque non todos os mortos son iguais nin todas as necrolóxicas teñen o mesmo valor. Algo así debeu pensar Paz Andrade cando desobedeceu as normas ditadas polos franquistas co gallo da morte de Castelao: as novas sobre o pasamento do “separatista” debían darse a unha soa columna en páxinas interiores, sen destacar a personalidade política do falecido agás para dicir que fora errada e que esperaba a misericordia de Deus (sic). Por suposto, só se podía falar da súa faceta como debuxante e caricaturista. (Que pobreza de intelecto censor, pensar que o Castelao debuxante non tiña perigo ningún, total, unhas raias pintadas e catro caricaturas choqueiras…)

Transparencias e outras prendas

Decataríanse coma min. De súpeto hai palabras que se poñen de moda e triúnfan en todo o mundo, teñen éxito coma os shorts ou as bebidas isotónicas. Nin sequera son eufemismos, son directamente inventos maquiavélicos, coma os bífidos activos ou os omega 3.

Fóiseme o Santo ao ceo

Aínda non entraron a roubar na igrexa da súa parroquia? Non será que non ten santos polícromos e milagreiros? Na nosa entraron hai pouco; só levaron a chave do sagrario e pouca cousa da colecta de diario. Non tocaron o cáliz dourado, nin o san roque, nin o san lourenzo, nin a virxe do socorro. Hai quen o ve mesmo coma un desprezo.

Da Real Filharmonía a Labordeta

Sitúense nun concerto da Real Filharmonía de Galicia. O público coñece exactamente o protocolo, sabe cando hai que gardar silencio, cando hai que romper en aplausos, os móbiles adoitan estar en off e ninguén se ergue no medio da interpretación a risco de sufrir olladas asasinas dun veciño de fila melómano.

Warning: artista solto!

Cando hai movementos de gobernos tamén hai moito tráfico de escena no mundo da cultura.

Ítaca e os lestrigóns

Se vas emprender a túa viaxe cara Madrid pide que o teu camiño sexa longo, rico en experiencia e en coñecemento. Chegar alí é a túa meta, pero non apresures a viaxe, é mellor que che leve anos e adíes o final. Tampouco esperes grandes riquezas nin premios: Madrid regalouche unha fermosa e demorada viaxe en vía ancha. Así saberás que Madrid forma parte do camiño mesmo e que a distancia que nos separa do desexo cumprido é sempre relativa e anecdótica.

Imparidade manifesta

Tanta lei de igualdade que nos venderon! O caso é que non entraron máis mulleres deputadas no congreso desde o famoso “non menos do 40% nin máis do 60% ” nas listaxes electorais. Debe ser que a visibilidade das mulleres ten outras velocidades distintas das masculinas. Iso, ou que o cromosoma Y se dopa.
Mariña Pérez Rei
Mariña Pérez Rei Mariña Pérez Rei é unha escritora amiense afincada na cidade de Santiago de Compostela. Licenciada en Filoloxía Hispánica e en Filoloxía Galego-portuguesa, actualmente exerce como profesora de Lingua e Literatura Galega no Ensino Secundario. Entre a súa obra publicada destaca a poesía e a novela curta. Tamén colabora en xornais e revistas con artigos de opinión. No ano 2005 acada o premio de poesía Eusebio Lorenzo Baleirón polo libro Fanerógama e comeza a publicar. No 2006 obtén o Premio Manuel Lueiro Rei de novela por Canícula, editorial Sotelo Blanco. No 2009 publica o libro de poesía en edición limitada e artesanal: Apuntamentos para un cuarto confuso e cambiante, na editorial Bourel. Un ano despois publica o libro de poesía Paquidermo na editorial Bubela co que ingresa na corrente filosófico- poética do sentimental-ISMO, e nese mesmo ano obtén o premio de relato de aventuras Antón Avilés de Taramancos coa narración Costa necrópole. Escenarios para deslembrar, publicada na editorial Toxosoutos. No 2011 participa nas antoloxías de poesía sentimental-istas da editorial Bubela e colabora co grupo musical Loaira.
Galicia Confidencial
GC 2024

Séguenos
Facebook
Twitter
Telegram
Instagram
YouTube
TikTok
Quen somos RSS Legal Política de cookies Achegas Publicidade
Licencia de Creative Commons
GC está baixo licenza Creative Commons Recoñecemento-NonComercial-CompartirIgual 4.0 .