Grecia é Europa

Foron dúas premonicións. A primeira, o venres. Unha amiga moi especial convidoume a xantar con motivo do seu aniversario; ao entrar no restaurante baionés soaba o syrtáki, a danza de Zorba, creada, en 1964, por Mikis Teodorakis. Un dos seus moitos éxitos. Anos máis tarde, na metade dos oitenta, puiden escoitalo, en directo, asombrado, no pavillón vigués de Castrelos, dirixindo un espectacular e numeroso grupo de músicos, voces e coros suecos interpretando o Canto General de Pablo Neruda. Ficaron para sempre na memoria as poderosas voces de Maria Farandouri e de Petros Pandis e o numeroso coro, de entre o cal, erguidas por mans nórdicas, emerxeu, como faro salvador, a bandeira galega iluminada cunha estrela vermella no momento máis intenso do concerto, xa cara ao final.

Mea culpa mea culpa... mea grandísima culpa

Cóntase que, en 1804, cando o Papa se achegaba a Napoleón para poñerlle a coroa de emperador este tiroulla e púxoa el mesmo. Entón o Papa replicoulle: “Ben sei que a vosa intención é destruír a cristiandade, pero a Igrexa leva case dous mil anos intentándoo e aínda non o conseguiu”.

O tetralema da esquerda

Dani Rodrick falounos, no seu paradoxo da globalización, do trilema político. En resumo, necesariamente simple, pero na procura de ser fieis ás súas palabras, diriamos que non podemos pretender xuntar hiperglobalización, democracia e autodeterminación nacional. Debemos escoller dúas das tres opcións.

Fragmentos e manobras

Levabamos meses falando dunha ampla alianza de forzas de esquerda nacionalista e outras de esquerda, tanto no ámbito das nacións sen estado como no da España “strictu sensu”, que soubese conxugar o duplo espazo de ruptura: cambio de réxime e soberanía das nacións; que fose quen de xunguir os dereitos da cidadanía agredida co das nacións negadas; que asumise a loita pola democracia expresada no “non nos representan” e no “dereito a decidir”.

Un malnacido chauvinista

Non semella doado que Arístides Silveira sexa desbancado da "pool position" como máximo emisor de epítetos descualificadores por parágrafo. A súa capacidade para o insulto era admirable. Habilidade da que abusou na súa particular visita “ao país dos ananos” e lle valeu abundantes reproches por parte de moitas persoas que conservan a sensibilidade para arrepoñerse ao aldraxe cando se traspasa a "delgada liña vermella" que afasta o cómico apelativo da vulgaridade irrespectuosa ou o insulto ferinte.

O Poncio de Baralla

Dende mozo gustei de coñecer os lugares polos libros. Non sei ben se nalgunha ocasión pasei por Baralla, pero cando estes días escoitei, ou lin, o seu nome nos medios de comunicación, o primeiro que veu ao meu maxín non foron as lucenses terras orientais senón a fantástica vila que imaxinou don Gonzalo Torrente Ballester e bautizou como Castroforte de Baralla.

Precísase alternativa

O Centro de Investigacións Sociolóxicas (CIS) fixo público o seu tradicional “barómetro de primavera”, uns días antes da comparecencia “final de cita”. A enquisa realizouse a 2.476 persoas,entre o 1 e o 10 de xullo, agoniadas polo paro (80.9) e os problemas económicos (32.0),nunha situación económica xeral que consideran mala ou moi mala (89.9), igual ou peor que hai un ano (90.1) e que, coidan, o vindeiro será igual ou peor (71.0). Isto nunha situación política xeral mala ou moi mala (81.0), igual ou peor que hai un ano (92.2) e que tamén o será dentro de doce meses (77.1). Á pregunta de cómo valoran a acción do goberno, o 68.9 considéraa mala ou moi mala e o 85.0 ten pouca ou nula confianza no presidente. O labor da oposición (PSOE) é cualificada do mesmo xeito polo 68.4 das persoas enquisadas e o 89.5 non depositan confianza no líder deste partido.

Socialismo

"Considerámonos dentro da tradición política e cultural dunha esquerda inclusiva na que teñan cabida non só as vellas culturas da esquerda (socialdemocracia, comunismo, pensamento libertario) do século pasado senón tamén as lecturas realizadas á luz do ecoloxismo, o antripatriarcalismo, o anticonsumismo, etc". Estamos en construción. Documento inicial do Novo Proxecto Común do Val Miñor