“Toda a carne que chega ao mercado, tanto de granxas extensivas como de intensivas, é de calidade”

O científico Daniel Franco Ruiz, especialista en calidade nutricional da carne, aborda nesta entrevista cuestións actuais do sector gandeiro e a industria cárnica. Recoñece que non se debe abusar, pero tampouco suprimir totalmente o consumo de carne, aposta por potenciar a produción extensiva, aínda que recoñece a utilidade das explotacións intensivas para subministrar carne a toda a poboación. "Os animais criados en extensivo si é certo que desenvolven o seu comportamento natural, fan máis exercicio, etc., pero non necesariamente hai mellor benestar animal; iso depende", asegura.