Por Europa Press / Redacción | SANTIAGO DE COMPOSTELA | 23/07/2019 | Actualizada ás 18:27
A asociación de profesionais dos CIM (centros de información a mulleres) reclama o reforzo dos servizos de atención ás vítimas de violencia de xénero durante o verán.
"Durante a época estival obsérvase unha preocupante tendencia: o aumento dos crimes machistas", advirte o colectivo, tras lamentar os dous novos casos en dous días: un en Calpe (Alacante) e o de Vilalba (Lugo).
De acordo cos datos destes profesionais, nos meses de xuño, xullo e agosto de 2016, 2017 e 2018 un total de 40 mulleres foron asasinadas as súas parellas ou exparellas.
Tendo en conta estas cifras, a asociación demanda o reforzo de "todos aqueles servizos dirixidos a atención e protección das mulleres, especialmente no verán, época na que varios dos factores presentes de forma perenne na problemática da violencia de xénero se ven reforzados, o que supón un aumento da vulnerabilidade das vítimas".
Na actualidade hai máis de 80 CIM por toda Galicia, espazos nos que as mulleres atopan asesoramento e acompañamento da man dun persoal especializado e multidisciplinar.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.