Os encoros galegos perden 77 Hm3 de auga esta semana e atópanse ao 72,7% da súa capacidade

As reservas sitúanse por baixo de hai un ano (2.758 hectómetros cúbicos), pero por encima da media da última década (2.613).

Por E.P. | SANTIAGO DE COMPOSTELA | 30/07/2019 | Actualizada ás 19:06

Comparte esta noticia

Os encoros galegos conteñen actualmente 2.701 hectómetros cúbicos de auga, polo que na última semana perderon un total 77 hectómetros cúbicos de auga. Deste xeito, atópanse ao 72,7% da súa capacidade, case dous puntos por baixo de fai sete días.

En concreto, segundo os datos publicados este martes polo Ministerio para a Transición Ecolóxica, recollidos por Europa Press, as reservas sitúanse por baixo de hai un ano (2.758 hectómetros cúbicos), pero por encima da media da última década (2.613).

Así, os encoros da conca Galicia Costa caeron ata os 540 hectómetros cúbicos de auga embalsada, o que supón o 78,9% da súa capacidade. Pola súa banda, os do ámbito Miño-Sil atópanse ao 71,3%, con 2.161 hectómetros cúbicos de auga, mentres que a semana pasada contiñan 2.218.

Os encoros da Conca do Ebro atópanse ao 71% da súa capacidade. EUROPA PRESS - Arquivo
Os encoros da Conca do Ebro atópanse ao 71% da súa capacidade. EUROPA PRESS - Arquivo

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta