Autónomos galegos denuncian que "continúa a sangría" de traballadores por conta propia

A Federación de Autónomos de Galicia advirte da "falta de estabilidade política" á vez que reclaman medidas de apoio.

Por E.P. | SANTIAGO DE COMPOSTELA | 02/08/2019 | Actualizada ás 18:02

Comparte esta noticia

A Federación de Autónomos de Galicia denuncia que "continúa a sangría" de traballadores por conta propia e advirte da "falta de estabilidade política" á vez que reclaman medidas de apoio.

Autónomo.
Autónomo.

Esta asociación advirte de que "se rexistraron 7.767 autónomos menos en xullo, aínda que Galicia se manteña aproximadamente nas mesmas cifras".

Así, lamenta a "inseguridade xurídica", os "elevados tipos impositivos, apoios aloucados ao emprendemento que ven abocados ao fracaso e ausencia de verdadeiros apoios aos autónomos, que resisten e continúan en activo".

Ao seu xuízo, é preciso "un plan que fomente o autoemprego en sectores que poidan consolidarse e dotar a eses empregos de estabilidade e non seguir baseándose en factores estacionais ou puramente conxunturais".

Pide "crear mecanismos de financiamento eficientes para os autónomos, un programa de substitución xeracional que facilite a pervivencia dos negocios viables, eliminar trabas burocráticas" e, "en definitiva, crear as condicións para que os autónomos poidan traballar dignamente e crear riqueza e emprego".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta