Por E.P. | SANTIAGO DE COMPOSTELA | 05/08/2019 | Actualizada ás 10:09
Urxencias Sanitarias de Galicia atendeu durante o fin de semana a 87 persoas debido a 61 accidentes de tráfico ocorridos nas estradas galegas, das que dúas morreron. Segundo informou o 061, a Central de Coordinación recibiu entre as 15,00 horas deste venres, 2 de agosto, e as 23,59 horas deste domingo, 69 chamadas en relación con sinistros de circulación. A xornada con máis incidentes foi a do sábado, con 21.
Os recursos sanitarios mobilizados polo 061 ascenderon a 82. En concreto, as ambulancias realizaron 75 saídas, o helicóptero medicalizados atendeu en dúas ocasións e os equipos sanitarios de Atención Primaria prestaron asistencia en cinco accidentes.
En 73 casos os feridos foron levados aos centros sanitarios correspondentes, en 12 ocasións recibiron atención no lugar do sinistro e dúas persoas morreron no punto do accidente. A proporción de homes atendida ascendeu ao 60 por cento e a de mulleres situouse no 40%. En canto ás idades dos asistidos, o 23,5% dos atendidos tiña entre os 40 e 54 anos.
A Coruña, con 25 sinistros, foi a provincia que rexistrou máis accidentes durante os desprazamentos do fin de semana; seguida de Pontevedra, con 24; Lugo, con sete; e Ourense, con cinco.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.