Por Europa Press / Redacción | SANTIAGO DE COMPOSTELA | 07/08/2019 | Actualizada ás 19:27
O Concello de Melide presentou unha denuncia ante o xulgado de primeira instancia e instrución número 1 de Arzúa para trasladarlle a problemática das verteduras procedentes o polígono industrial da Madalena "por se fosen constitutivos dun delito ambiental".
A posta en coñecemento da autoridade xudicial deste problema é unha decisión adoptada polo goberno municipal ao fío da vertedura que o pasado 12 de xullo causou a mortaldade de 10.000 peixes no río Furelos, segundo sinala o Consistorio.
Nunha nota de prensa, advirte da "alarma social" que xeraron os feitos "en toda a comarca" e denuncia que as empresas identificadas pola Xunta como causantes das verteduras "fixeron caso omiso dos requisitos feitos polo Concello, que lles instou a adoptar medidas urxentes para o cesamento inmediato". O goberno municipal indica que se viu "obrigado" a presentar denuncia pola "continuidade constatada" das verteduras e tamén precintou por iso as conexións das devanditas empresas á rede de saneamento do parque empresarial que xestiona Xestur no municipio.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.