Por E.P. | SANTIAGO DE COMPOSTELA | 13/08/2019 | Actualizada ás 13:59
Os encoros galegos conteñen na actualidade 2.657 hectómetros cúbicos de auga, despois de perder 17 na última semana, de modo que se atopan ao 71,5% da súa capacidade total. E iso, a pesar da gran cantidade de chuvia da pasada semana.
Segundo os datos que publicou este martes o Ministerio para a Transición Ecolóxica, recollidos por Europa Press, as reservas están por baixo dos valores rexistrados o pasado ano no mesmo período (2.673), aínda que son superiores á media da última década (2.498).
No caso da conca hidrográfica Miño-Sil, os encoros sitúanse ao 70,2% da súa capacidade, con 2.128 hectómetros cúbicos de auga, 17 menos que a semana pasada. Pola súa banda, a conca de Galicia Costa mantívose nos mesmos valores que a semana pasada, con 529 hectómetros cúbicos embalsados e ao 77,3% da súa capacidade total.
A nivel nacional, a reserva hidráulica española atópase ao 48,2% da súa capacidade, con 27.024 hectómetros cúbicos de auga. Isto supón 7.763 menos que o ano pasado nas mesmas datas e 7.162 menos que a media da última década.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.