Por E.P. | A CORUÑA | 13/08/2019 | Actualizada ás 18:00
Un total de 56 obras optan á nova edición do Premio Torrente Ballester en galego da Deputación da Coruña, que se fallará no outono, segundo informa o organismo provincial.
O premio, dotado con 25.000 euros e a publicación da obra, recaeu na pasada edición na novela '900', de Xabier López, e que acaba de chegar ás librarías, editada por Galaxia.
A obra de Xabier López foi definida polo xurado como unha historia, a dunha saga familiar, "narrada con intelixencia, ironía e humor", ademais, de "sagaz e cervantina que percorre a historia de Galicia e Europa desde o século XIX ata a posguerra".
A obra foi seleccionada na terceira edición na que houbo dúas modalidades no premio, unha para obras en galego e outra en castelán. En anteriores edicións, Eli Ríos, con 'Luns', e Antonio Piñeiro,con 'A través do fume', fixéronse co galardón.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.