Localizadas cinco persoas no porto exterio da Coruña que querían subir nun barco con destino a Canadá
A Policía Nacional explicou que, das cinco persoas identificadas, catro están en proceso de solicitude de asilo e o quinto en situación de estancia.
Por E.P. | A CORUÑA | 14/08/2019 | Actualizada ás 15:07
Cinco persoas foron identificadas o porto exterior da Coruña despois de tentar entrar nun barco cuxo destino era Canadá. Os feitos producíronse a principios desta semana, segundo confirmaron fontes da Policía Nacional, que explicaron que unicamente se procedeu á súa identificación.
En concreto, axentes da Brigada Provincial de Estranxeiría e Fronteiras da Coruña interviron tras localizarse a cinco persoas tentando viaxar desde o porto de punta Langosteira, subindo ao citado barco.
A Policía Nacional explicou que, das cinco persoas identificadas, catro están en proceso de solicitude de asilo e o quinto en situación de estancia.
Ademais, precisaron que non se pode falar neste caso de polisóns xa que así se denomina, segundo lembraron, ás persoas que chegan a outro país escondidas nun barco, o que non ocorreu neste caso.
