A Deputación de Pontevedra replica á Xunta sobre o turismo nas Rías Baixas: "O conselleiro sabe que o que dixo non é certo"
O deputado provincial Carlos Font replicou este xoves á Xunta sobre a realidade turística nas Rías Baixas, ao afirmar que o conselleiro de Cultura e Turismo, Román Rodríguez, "non ensina os datos porque sabe que o que dixo non é certo".
Por Europa Press / Redacción | SANTIAGO DE COMPOSTELA | 15/08/2019 | Actualizada ás 18:30
O deputado provincial Carlos Font replicou este xoves á Xunta sobre a realidade turística nas Rías Baixas, ao afirmar que o conselleiro de Cultura e Turismo, Román Rodríguez, "non ensina os datos porque sabe que o que dixo non é certo".
Font pregúntase "cal é o interese da Xunta en vir á provincia de Pontevedra a dar datos parciais e ocultar os relevantes, tentando facer crer que o turismo non vai ben". "Vai extraordinariamente ben e nin o sector nin a cidadanía o merecen", asevera.
O martes, a presidenta da Deputación pontevedresa, Carmela Silva, acusou ao conselleiro de "ocultar os datos relevantes" nesta materia relativos a Vigo durante o primeiro semestre do ano e de "mentir" respecto dos da cidade de Pontevedra.
A Xunta respondeu o mércores con "estupefacción" ante a actitude "airada e inxustificada" de Silva, á que criticou por mostrar "un profundo descoñecemento da realidade turística" por mor da presentación do balance de Galicia no primeiro semestre.
