Denuncias de atrasos na repartición e "presións" a traballadores en Correos na Coruña

Persoal de Correos na Coruña denunciou atrasos na repartición na cidade e "presións" a traballadores, fundamentalmente a persoal eventual nunha das oficinas. Así o sinala nun comunicado o comité de empresa e a Xunta de Persoal de Correos, en referencia en concreto á unidade de repartición situada no barrio das Conchiñas. Nela, explica, os traballadores manteñen unha protesta "en defensa das condicións de traballo dos carteiros e dunha mínima calidade no servizo postal".

En concreto, sinala que a súa protesta comezou cando a empresa reestruturou os barrios dos dous distritos que atende este centro, unha nova distribución, ao seu xuízo, "desproporcionada". Por iso, segundo informan, os traballadores negáronse a asumir "o traballo engadido do barrio veciño cando o seu carteiro titular auséntase" xa sexa por vacacións ou por baixa por enfermidade. Por outra banda, os traballadores desta unidade denuncian a existencia de "presións e coaccións" ao persoal, principalmente ao que está en condición de eventual.

Furgoneta de Correos. CORREOS