Caballero ve que as "mentiras de Feijoo" sobre financiamento quedaron expostas no informe da Avogacía do Estado

O secretario xeral do PSdeG, Gonzalo Caballero, sinalou que "a responsabilidade" da situación actual "está no PP, que no seu día votou en contra duns Orzamentos Xerais do Estado".

Por Europa Press / Redacción | SANTIAGO DE COMPOSTELA | 28/08/2019 | Actualizada ás 17:57

Comparte esta noticia

O secretario xeral do PSdeG, Gonzalo Caballero, fixo referencia este mércores ao informe da Avogacía do Estado sobre o financiamento autonómico, que, ao seu xuízo, pon de manifesto "as mentiras de Feijóo e do PP".

Tal e como apunta o PSdeG nun comunicado de prensa, o escrito da Avogacía afirma que o Goberno en funcións "non pode desbloquear as entregas a conta ás comunidades autónomas duns orzamentos prorrogados", en contra do que mantén o Partido Popular.

Con relación ao contido do informe, Caballero sinalou que "a responsabilidade" da situación actual "está no PP, que no seu día votou en contra duns Orzamentos Xerais do Estado", con 4.700 millóns de euros para as entregas a conta e 2.500 millóns máis correspondentes ao IVE.

O socialista esixiu a Feijóo que "deixe a estratexia do victimismo e do falso agravio a Galicia", porque asegura que "non hai ningunha decisión tomada polo goberno en funcións que poida ser malinterpretada". "Mentres haxa un goberno socialista, o compromiso coas autonomías está garantido", concluíu.

Gonzalo Caballero durante a rolda de prensa.. PEDRO DAVILA-EUROPA PRESS
Gonzalo Caballero durante a rolda de prensa.. PEDRO DAVILA-EUROPA PRESS | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta